Qay birimiz bolaligimizda ertakdagi malikalar kabi kiyinishni orzu qilmaganmiz. Mashhurlar, hatto kattalar ham ba’zida bunday xayollarni haqiqatga aylantirishni xohlashadi.
Zolushka: Ayshvariya Ray va Zendaya
2017-yilgi Kann kinofestivalida sohibjamol Ayshvariya Ray chinakam ajoyib libosda ko‘rinish berdi. Moviyrang mato va shishgan yubka afsonaviy Zolushka libosini eslatdi. Tanqidchilar ham 43 yoshli aktrisaning obraziga qoyil qolishdi va uni har qanday malikaga munosib deb atashdi.
2019-yilgi Met Gala’ga Zendaya Zolushka qiyofasida tashrif buyurdi. Aktrisa qizil gilamga sehrli tayoqchali haqiqiy “cho‘qintirgan pari” bilan keldi — uning libosi chindan ham yarqirardi. Aktrisa esa billur tuflisini zinapoyada qoldirdi.
Bell: Keti Xolms, Alisiya Vikander va Lesli Mann
Jigarrang sochlar, yelkalari ochiq sariq libosdagi Keti Xolmsning 2014-yilgi Met Gala’dagi obrazi “Sohibjamol va maxluq” filmidagi afsonaviy Bellni eslatardi. Aktrisa bu libosda haqiqiy ertak qahramoniga o‘xshadi.
2016-yilda “Oskar”ning qizil gilamida Alisiya Vikander malika Bell obrazida namoyon bo‘ldi. Hatto aktrisaning soch turmagi ham multfilm qahramoniniki kabi turmaklangandi.
Bir yil o‘tgach, 2017-yilgi “Oskar” marosimida aktrisa Lesli Mann ham moda tanqidchilarining “Sohibjamol va maxluq” filmidagi afsonaviy libosi versiyasi haqidagi ko‘plab tanqidlarga sabab bo‘ldi.
Tiana: Lupita Nyongo
Qizni ko‘pincha Disney qahramonining tirik timsoli deb atashadi. Muxlislardan biri hatto aktrisaning bo‘lajak filmda Tiana rolini o‘ynashi uchun ovoz berish jarayonini tashkillashtirgan ham. 2014-yildagi “Oskar” marosimida aktrisa yana o‘sha malika obraziga murojaat qildi.
Avrora: Ell Fenning
2014-yilda Ell Fenning malika Avrora roli uchun yaratilganligini yana bir bor isbotladi. Yosh aktrisa “Malefisenta” premyerasida yelkalari ochiq havorang libosda paydo bo‘ldi va xuddi Disney malikasi ekrandan tushib, Gollivudga kirib kelganga o‘xshardi.
Din-din: Medelin Petsh
“Riverdeyla” yulduzi 2019-yilgi Met Gala’da haqiqiy pari bo‘ldi. Afsonaviy “Piter Pen”dagi pari Din-din obrazida. Qizning so‘zlariga ko‘ra, u bunday obrazni yaratishni rejalashtirmagan, lekin juda ham ajoyib ko‘ylak topilgan va hammasi bir-biriga mos tushgan.
Elza: Keyt Middlton
Kembrij gersoginyasining liboslari muntazam ravishda muhokama qilinadi. 2017-yilda Keyt haqiqiy malika bo‘lishga qaror qildi. Uning ko‘plab kristallar bilan bezatilgan libosi ommani bir zumda hayratga soldi: u “Muzyurak”dagi Elza edi! Libos jamoatchilikning shunchalik yodida qoldiki, hatto 2 yildan keyin ham bir qiz gersoginyadan nega o‘sha libosni kiymaganini so‘radi.
Izoh (0)