Ҳақиқатан ҳам, 2022 йил 28 апрелда банкнинг расмий каналларида техник сабабларга кўра жисмоний шахсларга кредитлар ажратилиши тўхтатилгани ҳақида эълон қилинган эди. Бу банкнинг кредитлаш соҳасидаги ички бизнес жараёнлари билан боғлиқдир. Хусусан, янада шаффоф тизим яратиш учун ушбу жараёнларни оптималлаштириш ва такомиллаштириш ишлари олиб борилмоқда. Яқин кунларда банк жисмоний шахсларга кредитлар ажратилишини қайта тиклайди.
Бугунги кунда банк бизнеснинг барча соҳаларида трансформация жараёнларини фаол давом эттирмоқда. Ушбу трансформация бошқа соҳалар қаторида хусусийлаштиришга тайёргарлик кўриш ва молиявий ҳисоботнинг халқаро стандартларига (МҲХС) ўтиш каби жараёнларни ўз ичига олади. Бизнинг хатти-ҳаракатларимиз молиявий ҳисобнинг умумеътироф этилган халқаро қоидалари ва тамойилларига максимал даражада риоя қилишга қаратилган.
Шу муносабат билан ишбилармонлик этикаси ва илғор жаҳон тажрибасига мувофиқ, банк ўз омонатчилари ва кредиторлари, шунингдек, барча манфаатдор шахслар манфаатларини кўзлаб, барча молиявий кўрсаткичларни доимо ҳақиқий қийматда ва шаффоф тарзда акс эттиради.
Биз ҳамиша очиқмиз ва жамоатчилик, ОАВ вакиллари билан мулоқот қилишга тайёрмиз.
Реклама ҳуқуқи асосида.
Изоҳ (0)