UzAuto Motors корхонаси илк очилган кунлариданоқ жамоат ишлари ва Ўзбекистоннинг маҳаллий инфраструктурасини мустаҳкамлашда фаол позицияларни эгаллаб келмоқда. Бизнинг тарихий ва маънавий қадриятларимиз тимсоли бўлган навбатдаги лойиҳалардан бири Асакадаги зиёратгоҳ — Хожа Абдуллоҳ Туғдор мақбарасининг тикланиши бўлди.
Хожа Абдуллоҳ Туғдор мақбараси 1840 йилда бунёд этилган бўлиб, вақт ўтиши билан нурай бошлади ва бу тарихий мажмуанинг тўлиқ бузилиши ҳамда йўқолиши хавфини юзага келтирди. 2021 йилнинг майида UzAuto Motors бутун маҳаллий аҳоли учун қадрли бўлган муқаддас жойни тиклаш ва унга аввалги гўзаллик ҳамда улуғворликни қайтариш ҳақида қарор қабул қилди. Қиймати 2 миллиард сўмга тенг бўлган лойиҳани амалга ошириш «Автосаноат Инжиниринг» структуравий қурилиш компаниясига топширилди. У ўз навбатида мажмуани тиклаш учун бутун Ўзбекистондан архитектура ёдгорликларини реставрация қилиш бўйича мутахассисларни жалб қилди.
Асосий мақсад ушбу мажмуанинг асл кўринишини сақлаб қолиш эди ва бу иш бир йил давом этиб, яқин кунларда ўз якунига етди. Хожа Абдуллоҳ Туғдор қабри ва унинг теварагидаги иншоотлар тўлиқ реставрация қилиниб, биноларнинг йўқотилган қисмлари қайта тикланди, зиёратчилар қулайлиги учун эса ёзги мавсумда соя қилувчи мосламалар ўрнатилди.
2022 йил 7 майдаги мажмуанинг тантанали очилишида вилоят ҳокими Шуҳрат Абдураҳмонов бошчилигида Андижон вилояти администрацияси делегацияси, «Ўзавтосаноат» АЖ бошқаруви раиси Шавкат Умурзоқов ва корхона раҳбарияти иштирок этди. Тадбирда сўз олганлар архитектура ёдгорлигини қайта тиклашда компания ва унинг ходимлари ҳиссаси катта бўлганини таъкидлашди. Бугун зиёратчилар муқаддас қадамжога яна ташриф буюриши, мақбаранинг маданий меросини кўриб, унга баҳо бериши ва қалб тубидаги дуоларини айтиши мумкин.
«Биз ҳақли равишда амалга оширилган ишдан фахрланишимиз мумкин. Ушбу тарихий ва маданий нуқтаи назардан муҳим лойиҳа натижасида муқаддас қадамжо андижонликлар ва шаҳар меҳмонларини яна ўзига чорлай бошлайди», — деб таъкидлади ўз нутқида Шавкат Умурзоқов.
UzAuto ижтимоий масъулиятли компания бўлгани ҳолда келгусида ҳам Ўзбекистон маданий ва маънавий мероси ёдгорликларини сақлаб қолишга ёрдам берувчи шу каби лойиҳаларда иштирок этишни давом эттиради.
Шунингдек, очилиш маросимидан сўнг тумандаги кам таъминланган оилаларнинг 10 нафар фарзандига суннат тўйи ўтказиб берилди. Тўйболаларга велосипед, уларнинг ота-оналарига печлар совға қилинди.
Реклама ҳуқуқи асосида.
Изоҳ (0)