Қозоғистон президенти Қосим-Жўмарт Тўқаев 5 июнь куни мамлакат Конституциясига ўзгартиришлар киритиш бўйича референдум ўтказиш тўғрисидаги фармонни имзолади. Бу ҳақда у видеомурожаатида маълум қилди.
Конституциявий ислоҳот «бутун давлат моделини кенг қамровли ўзгартиришга» қаратилган, деди Тўқаев. Хусусан, унинг сўзларига кўра, ўзгартиришлар Қозоғистоннинг «суперпрезидентлик» бошқарув шаклидан нуфузли парламентга эга бўлган президентлик республикасига ўтиш жараёнини амалга оширишни кўзлаган.
«Интерфакс» хабарига кўра, Тўқаев «Қозоғистон Республикаси Конституциясига ўзгартириш ва қўшимчалар киритиш тўғрисида»ги қонун лойиҳасини референдумга қуйидаги савол билан қўйишни буюрган: «Қозоғистон Республикаси Конституциясига ‘Қозоғистон Республикаси Конституциясига ўзгартириш ва қўшимчалар киритиш тўғрисидаъги қонун лойиҳасида белгиланган ўзгартириш ва қўшимчаларни қабул қиласизми?». Референдум ўтказиш тўғрисидаги фармоннинг ўзи ҳамда ўзгартириш ва қўшимчалар киритилган ҳолатдаги қонун лойиҳаси 6 май куни оммавий ахборот воситаларида эълон қилинади.
Тўқаев апрель ойида Қозоғистон Конституциясига ўзгартиришлар киритиш бўйича референдум ўтказилишини эълон қилганди. Ўзгартиришлар мамлакат бош қонунининг 30 дан ортиқ моддаларига тааллуқли бўлади. Бошқа нарсалар қаторида Қозоғистоннинг биринчи президенти Нурсултон Назарбоевнинг ваколатлари ва мақоми тўғрисидаги бандлар Конституциядан чиқариб ташланиши режалаштирилмоқда.
2022 йил январь ойида Қозоғистонда газ нархи ошишига қарши норозилик намойишлари билан бошланган йирик тартибсизликлар бўлиб ўтди. Уларни бостириш учун Тўқаев, хусусан, КХШТ мамлакатлари қуролли кучларини таклиф қилди. Норозиликлар фонида Қозоғистоннинг биринчи президенти Нурсултон Назарбоев Хавфсизлик Кенгаши раҳбари лавозимидан четлаштирилди, унинг кўплаб қариндошлари раҳбарлик лавозимларидан айрилди.
Изоҳ (0)