Англия банки асосий фоиз ставкасини йиллик 0,75 фоиздан 1 фоизга оширди. Ушбу кўрсаткич сўнгги 13 йилдаги рекорддир. Бу ҳақда «Коммерсантъ» хабар бермоқда.
Бошқа нарсалар қаторида регулятор бозордан активларни сотиб олиш дастурини сақлаб қолди. Бу 2022 йил бошидан буён тўртинчи марта ўсишдир. Сўнгги марта ставка 17 март куни — 0,5 фоиздан 0,75 фоизга кўтарилган эди.
2022 йил 4 майда якунланган йиғилишида қўмита кўпчилик овози билан (3га қарши 6 та) банк ставкасини 0,25 фоиз пунктга, яъни 1 фоизга оширишга овоз берди. Озчилик банк ставкасини 0,5 фоиз пунктига 1,25 фоизга оширишни таклиф қилди, — дейилади регулятор баёнотида.Марказий банк ўз активларини қайтариб сотиб олишни 867 млрд фунт стерлингга қолдирди. Давлат облигацияларини қайтариб сотиб олиш 847 млрд фунт стерлингга, корпоратив облигацияларни сотиб олиш эса 20 млрд фунт стерлингга тенг бўлди.
Англия банки 2022 йил учун инфляция прогнозини ҳам 5,75 фоиздан 10,25 фоизга оширди.
Аввалроқ Россия Марказий банки асосий ставкани 14 фоизга туширгани ҳақида хабар берилган эди.
Изоҳ (0)