Россия иқтисодиёти ҳозир Европа Иттифоқи томонидан муҳокама қилинаётган нефть секторига қарши санкциялар оқибатларига дош бера олади. Бу ҳақда Financial Times хабар бермоқда.
Таҳлилчиларнинг фикрича, Россия Европа бозоридаги йўқотишнинг ўрнини савдонинг бошқа йўналишлари орқали ҳам қоплаш имкониятига эга.
Европа Иттифоқи мамлакатлари томонидан Россия ёқилғисини етказиб беришга эмбарго қўйилган тақдирда, Россия аллақачон Россия нефтини харид қилишни кучайтирган Осиё мамлакатларига энергия ресурсларини этказиб беришни оширади.
Россия учун муаммолардан бири Осиёга ёнилғи етказиб беришда дуч келиши мумкин бўлган логистика қийинчиликларидир.
Апрель ойи охирида Польша бош вазири Матеуш Моравецки Европа Иттифоқи Россияга қарши қўшимча санкциялар қўллаши кераклигини, Россия жорий чекловларга дош бераётганини айтганди.
Муҳокама қилинаётган Европа Иттифоқининг Россияга қарши санкцияларининг олтинчи пакетидаги асосий чора-тадбирлардан бири Россиядан нефть етказиб беришга босқичма-босқич эмбарго жорий этишдир.
Бу эса Россиянинг энергетика секторига Европа Иттифоқи томонидан жорий этилган энг йирик чекловга айланиши мумкин.
Аввалроқ Европа Иттифоқи санкцияларининг янги пакети Россиядан нефть сотиб олишни тақиқлаши мумкинлиги ҳақида хабар берилган эди.
Изоҳ (0)