Ижтимоий тармоқларда Қарши туманининг собиқ ҳокими Мақсуда Мустафоеванинг қамоққа олингани хабар берилганди. Қашқадарё прокуратураси мазкур хабарни рад этди.
Маълум қилинишича, Қарши тумани прокуратураси томонидан 4 миллиард 198 миллион сўм миқдоридаги субсидия маблағлари талон-торож қилингани юзасидан туман ҳокимининг собиқ ўринбосари, қишлоқ хўжалиги ва ирригация бўлими бошлиқлари — жами уч нафар шахсга Жиноят кодексининг 167-моддаси (ўзлаштириш ёки растрата йўли билан талон-торож қилиш), 209-моддаси (мансаб сохтакорлиги) билан айблов қўйилиб, уларга нисбатан қамоқ эҳтиёт чораси қўлланилган.«Мазкур жиноят иши бўйича Қарши туманининг собиқ ҳокими Мақсуда Мустафоева айбланувчи сифатида жалб қилинмаган. Айрим шахслар томонидан ижтимоий тармоқларда собиқ ҳоким жиноий иш доирасида айбдор деб топилиб, қамоққа олинганлиги ҳақида ёлғон маълумотлар тарқатилмоқда. Аҳоли орасида ёлғон ва ҳақиқатга тўғри келмайдиган маълумотларни тарқатиш тегишли жавобгарликни келтириб чиқариши ҳақида огоҳлантирамиз», — дейилади вилоят прокуратураси ахборотида.
Изоҳ (0)