«Манчестер Юнайтед» Чемпионлар Лигаси ўйинида мухлисларнинг хатти-ҳаракати туфайли жазога тортилди.
Чемпионлар Лигаси чорак финали жавоб баҳси доирасида «Атлетико»га қарши кечган ўйин (0:1) якунида «Олд Траффорд»га ташриф буюрганларнинг бир қисми мадридликлар бош мураббийи Диего Симеонега турли буюмларни улоқтирган. Аргентиналик мутахассис трибуна остига югурган.
УЕФА мухлисларнинг бу қилмиши учун «Манчестер Юнайтед»ни 10 минг евро жаримага тортди.
Шунингдек, Европа футбол ассоциациялари иттифоқи «Ливерпуль»га қарши иқтисодий санкциялар қўллаган. Мерсисайдликлар Лиссабондаги «Бенфика»га қарши ўйинга ўз айби билан кечикканлиги учун 10 минг евро тўлаши керак бўлади. Бош мураббий Юрген Клопп эса УЕФАдан огоҳлантириш олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)