«Ливерпуль» ҳужумчиси Муҳаммад Салоҳ журналистлар талқинига кўра Англияда йилнинг энг яхши футболчиси деб топилди.
Мисрлик футболчи Кевин де Брюйне («Манчестер Сити») ва Деклан Райсни («Вест Ҳэм») ортда қолдириб, 48% овоз тўплади.
«Челси» ҳужумчиси Сем Керр футбол журналистлари ассоциацияси томонидан Англияда йилнинг энг яхши аёл футболчиси деб эълон қилинди.
Салоҳ ушбу совринни иккинчи марта қўлга киритди, илк бор 2018 йилда ушбу совринга эга чиққанди. Ўтган мавсум журналистлар уюшмаси «Манчестер Сити» ҳимоячиси Рубен Диашни энг яхши ўйинчи сифатида эътироф этганди.
29 ёшли футболчи 2021/22 йилги мавсум АПЛда 31 ўйинда иштирок этиб, 22 та гол ва 13 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)