Marie Claire нашри D витамини ҳақиқатан ҳам организм учун жуда зарурми ва терининг ёшлиги ҳамда гўзаллигини хавф остига қўймасдан керакли миқдорда олиш мумкинми ёки йўқлигини аниқлади.
Ҳамиша ҳам педиатрлар рахит ва бошқа муаммолардан қочиш учун болаларга D витамини беришни тавсия қилишган. Аммо аввал дунё ультрабинафша нурларининг зараридан даҳшатга тушмаган. Бугун эса инсонлар кўпроқ нарсани билади ва энди аввалгидек бепарво бўлмайди.
D витамини терининг ҳолатига таъсир қилмайди
Ундай эмас. D витамини асосан ультрабинафша нурлар таъсирида терида синтезланади. Тўқималарнинг қариши бу жараённинг ўзида 75 фоизга камайишига олиб келади. Бу яхши эмас, чунки витаминнинг оптимал даражалари терининг мустаҳкамлигини яхшилашга ёрдам беради, коллаген ишлаб чиқаришни рағбатлантиради, терининг соғлом порлашини кучайтиради ва ажинлар билан курашишга ёрдам беради. Бундан ташқари, у тўқималарда яллиғланиш жараёнларини бостириш учун муҳим бўлган омилларни рағбатлантиради.
Сизга керак бўлган ҳамма нарсани олиш учун қуёшда бир неча дақиқа юриш кифоя қилади
Афсуски йўқ. Организм учун зарур бўлган D витамини миқдорини олиш учун ҳафтада бир марта қуёшда тахминан бир соат вақт ўтказиш керак. Гап шундаки, 70 ёшгача бўлган аёллар учун зарур бўлган суткалик доза 600 IU’ни ташкил қилади.
Барча витаминларни маҳсулотлардан олиш мумкин
Истеъмол қилинадиган маҳсулотлар организм учун жуда муҳим, аммо у ҳар доим ҳам эҳтиёжларни тўлиқ қондирмайди. D витаминини ўз ичига олган маҳсулотлар миқдори етарли даражада кўп эмас — ёғли балиқ, жигар, мол гўшти. Шунингдек, уларни доимий ва кўп истеъмол қилиш жуда муаммоли. Баъзи диетологлар кунига бир марта сут маҳсулотларини истеъмол қилишни тавсия қилади. Шунинг учун парҳез қўшимчаларига эътибор бериш жуда ўринли.
Қаришга курашиш учун терига фақат антиоксидантлар керак
D витамини тўлиқ антиоксидант бўлиб, ультрабинафша нурлар таъсирида тўқималарда липид оксидланиш жараёнини камайтиради ва ҳужайра мембраналарини йўқ қилишдан ҳимоя қилади.
Косметикада D витамини кам учрайди
У косметологияда фаол қўлланилади. D витаминларининг бутун гуруҳи ишлатилмайди, лекин асосан фақат фаол модда бўлган калсиферол (D3) ишлатилади. Баъзида модданинг сунъий шакллари қўлланилади. Улар организм томонидан табиий равишда ишлаб чиқарилган ёки озиқ-овқат ёки парҳез қўшимчалари шаклида олинган витамин таъсирини кучайтиради.
Изоҳ (0)