«ПСЖ» 222 млн еврога харид қилинган Неймарни арзон нархга сотиб юборишга тайёр

«ПСЖ» ёзда Неймарни 90 миллион евро эвазига сотиб юбориши мумкин.

Парижликлар аллақачон бразилиялик ҳужумчини трансферга қўйган ва уни 90 миллион евродан камига сотмоқчи эмас. Француз клуби янги мавсум олдидан жамоада катта ўзгаришлар амалга оширмоқчи. Неймарнинг ўзи эса жамоани тарк этиш истагида эмас. Бразилиялик ҳужумчи «ПСЖ»да яна 3 йил ўйнашни мақсад қилганини айтиб ўтган.

Аввалроқ, «ПСЖ» «Барселона»га Неймарни сотиб олишни таклиф қилгани хабар қилинганди.

Неймар 2017 йилдан буён парижликлар шарафини ҳимоя қилиб келади. «ПСЖ» ҳужумчи учун «Барселона»га 222 миллион евро тўлаб берган эди. Бразилияликнинг амалдаги шартномаси 2025 йилда ўз ниҳоясига етади. Ҳужумчи 2021/22 йилги мавсум Франция чемпионатида 19 та ўйинда майдонга тушиб, 11 та гол ва 5 та голли узатмага муаллифлик қилди.