Disney studiyasi “Chip va Deyl yordamga shoshmoqda” multfilmining yangi kengaytirilgan treylerini taqdim etdi. Kartina premyerasi 20-may kuni Disney+ strim-servisi orqali bo‘lib o‘tadi, deb yozadi “Film.ru”.
Film sujetiga ko‘ra, mashhur multserial bekor qilinganidan keyin dovyurak burundiqlar — Chip va Deylning yo‘llari ayro tushadi: Chip sug‘urta agenti sifatida ishlashni boshlagan bo‘lsa, Deyl mashhurligi hamda yangi imijidan foydalanishga o‘tadi. Ular sirli ravishda yo‘qolib qolayotgan animatsion qahramonlarni qutqarish maqsadida yana birlashishga majbur bo‘ladi.
Treylerda ko‘plab mashhur multfilmlar, jumladan, “Jimmi Neytron”, “Sohibjamol va maxluq” va “Piter Pen”ga havolalar bisyor. Chip va Deylga komediantlar Jon Maleyni hamda Endi Semberg ovoz bergan. Shuningdek, lentada Set Rogen, J.K.Simmons va Erin Ban ham ishtirok etgan. Kartina rejissori — Akiva Shffer.
Izoh (0)