Қорақалпоғистоннинг Нукус шаҳрида 28 апрель куни Nexia автомашинаси ёниб кетди. Бу ҳақда Йўл ҳаракати хавфсизлиги хизмати хабар қилди.
Қайд этилишича, ҳолат шу куни соат 14:00 ларда Нукус шаҳри Х.Абдамбетов кўчасида содир бўлган. Тўхтаб турган ҳайдовчи Д.А. (1995 йилда туғилган) бошқарувида бўлган Nexia автомобилининг салон қисмида ёнғин юзага келган.
Ёнғин ўт ўчирувчилар томонидан бартараф этилган. Ҳодиса оқибатида тан жароҳати олган фуқаролар йўқ.
Ҳолат юзасидан суриштирув ҳаракатлари олиб борилмоқда.
Изоҳ (0)