28-aprel kuni Oliy Majlis Senatining yigirma beshinchi yalpi majlisi o‘z ishini boshladi. Bu galgi majlis Senatning ijtimoiy tarmoqlaridagi sahifalarida efirga uzatilmadi. UzReport telekanali orqali namoyish etilgan to‘g‘ridan to‘g‘ri efiri 18 daqiqagina davom etdi.
Palata yalpi majlislari 2019-yilda Senatga Tanzila Norboyeva rais etib saylangach, jonli efirga uzatilishini yo‘lga qo‘ygan va shu vaqtgacha o‘tkazilgan barcha yalpi majlislar to‘g‘ridan to‘g‘ri efirga uzatib kelinayotgandi.
Prezidentning 2021-yil iyunda qabul qilingan “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha chora-tadbirlar to‘g‘risida”gi farmonida O‘zbekiston Milliy teleradiokompaniyasi 1-dekabrdan Oliy Majlis Qonunchilik palatasi va Senati majlislari, Qoraqalpog‘iston Respublikasi Jo‘qorg‘i Kengesi, xalq deputatlari viloyat, tuman, shahar kengashi sessiyalari (yopiq majlislar bundan mustasno) telekanallar, shuningdek, Internet tarmog‘i orqali jonli efirga uzatilishini ta’minlashi belgilangandi.
28-aprelda namoyish etilgan 18 daqiqalik to‘g‘ridan to‘g‘ri efirning deyarli 10 daqiqasida jurnalist Maqsuda Abduqayumova kun tartibida ko‘rib chiqiladigan qonunlar to‘g‘risida gapirdi. 11-daqiqada madhiya yangraganidan so‘ng, Tanzila Norboyeva prezident Shavkat Mirziyoyevning Qashqadaryo viloyatiga tashrifi, 2022—2026-yillarda Qoraqalpog‘istonni rivojlantirishning besh yillik dasturi haqida, Samarqand va Jizzax viloyatlarida sodir bo‘lgan suv toshqinlari haqida so‘zladi. Norboyeva senatorlardan u yoki bu masalalar bo‘yicha fikr-mulohazalarini so‘radi, shundan so‘ng efir uzilib qoldi.
Bu holatga jamoatchilik turlicha munosabat bildirdi.
Parlament shaffof bo‘la olmas ekan, boshqalardan xafa bo‘lmasa ham bo‘ladi
Bugun Senatning navbatdagi yalpi majlisi bo‘lib o‘tmoqda. Tanzila Norboyeva senat raisi bo‘lganidan beri, adashmasak, birinchi marta to‘g‘ridan to‘g‘ri efirga uzatilmayapti. Qonunchilik palatasi yalpi majlislari ham to‘g‘ridan to‘g‘ri efirga uzatilmay qo‘ydi. Parlament mohiyatiga ko‘ra ochiq va shaffof bo‘lishi kerak, aslida uning majlislari to‘g‘ridan to‘g‘ri efirga ketishini talab qilish mantiqsiz. Chunki deputat va senatorning o‘zi bundan manfaatdor bo‘lishi lozim. Vaholanki, prezident farmonida bu talab oq-qora qilib yozib qo‘yilgan edi. Parlament shaffof bo‘la olmas ekan, boshqalardan xafa bo‘lmasa ham bo‘ladi.Qonunlar, qarorlar va farmonlarning ochiqchasiga buzilishiga sekin-asta o‘zimizni ko‘niktirib borishimizga to‘g‘ri keladiganga o‘xshaydiOtabek Bakirov — “Bakiroo” Telegram-kanali
Aytish joizki, Oliy Majlis Qonunchilik palatasi va Senati majlislari jonli efirda uzatilishi — bu prezident farmoni talabi ham. Bundan buyog‘iga qonunlar, qarorlar va farmonlarning ochiqchasiga buzilishiga sekin-asta o‘zimizni ko‘niktirib borishimizga to‘g‘ri keladiganga o‘xshaydi.Salom, Eski O‘zbekiston!“Davletovuz” Telegram-kanali
Salom, Eski O‘zbekiston! Senat ham, Qonunchilik palatasi ham o‘z yig‘ilishlarini jonli efirda ko‘rsatishni to‘xtatdi. Endi bundan buyon senatorlar va deputatlarning muhokamalari keng jamoatchilikning ko‘zidan yiroq, yopiq eshiklar ortida o‘tadimi?Huquqshunos Xushnud Xudoyberdiyev
Izoh (0)