Машҳур футбол агенти Мино Райола 54 ёшида вафот этди

«4 ой ичида иккинчи марта ўлдига чиқаришди». Мино Райола вафот этгани ҳақидаги хабарлар инкор этилди

Машҳур футбол агенти Мино Райола 28 апрель куни 54 ёшида вафот этгани хабар қилинди.

Райола январь ойида касаллик туфайли Милан шифохоналаридан бирида даволаниб чиққан эди. Давомий хасталиклардан сўнг, 28 апрель куни ҳаётдан кўз юмди.

Мино Райола 1967 йил 4 ноябрда Италияда таваллуд топган. Футбол оламида Пол Погба, Эрлинг Ҳоланд, Златан Ибраҳимович, Марио Балотелли, Генрих Мхитарян, Марко Вератти, Жанлуижи Доннарумма, Жастин Клюйверт, Matteйс де Лигт ва яна кўплаб футболчиларнинг агенти сифатида машҳур эди.

Мино 1990 йилда Sports Promotions’да футбол агенти сифатида фаолиятини бошлаган. Ушбу компанияда иш бошлаган агент 1992 йилда Брайан Ройнинг «Аякс»дан «Фоджа»га ўтиши билан шуғулланган. Бир неча йилдан сўнг Райола мустақил агент сифатида компанияни тарк этган. Илк катта трансфери эса Павел Недведнинг «Спарта»дан «Лацио»га ўтиши бўлган.

2020 йилдан буён дунёнинг энг машҳур ва таъсир доираси кенг агентлардан бирига айланганди.