УЕФА Чемпионлар Лигасида «тўрт финалчи» тизимини жорий этмоқчи

УЕФА Чемпионлар Лигаси форматини ўзгартириш ҳақида ўйлаб кўрмоқда.

Мусобақа ярим финал босқичида одатдагидек икки ўйиндан иборат қарама-қаршиликлар ўрнига «тўрт финалчи» тизими жорий этилиши мумкин, дея хабар беради The Times.

«Тўрт финалчи» форматида ярим финал жуфтликлари ғолиблари уй-сафар тизимида эмас битта ўйин орқали аниқланади. Унга кўра, ярим финал ва финал бир ҳафта ичида битта шаҳарда ўтказилиши мумкин.

Ушбу таклиф Европа клублар ассоциацияси (ЭCА) томонидан Чемпионлар Лигаси плей-офф форматини ислоҳ қилиш мақсадида илгари сурилган. 2024/25 йилги мавсумдан бошлаб Чемпионлар Лигасини ўтказиш тизимидаги мумкин бўлган ўзгаришлар ҳақида гап кетмоқда. Айнан ўша мавсумдан бошлаб нуфузли мусобақадаги иштирокчилар сони 36 тага кўпайтирилади.

2021 йилда ҳам УЕФА шу шу тизимни жорий этмоқчи экани хабар қилинганди.

Эслатиб ўтамиз, коронавирус пандемияси сабаб Чемпионлар Лигасининг 2019/20 йилги мавсумининг якуний қисми мазкур форматда ўтказилганди.