«ПСЖ» мавсум якунида таркибда жиддий ўзгаришлар қилмоқчи.
Get French Football News хабарига кўра, парижликлар биринчи навбатда Юлиан Дракслер, Леандро Паредес, Тило Керер ва Лейвин Курзава билан хайрлашмоқчи.
Леандро Паредеснинг «ПСЖ» билан шартномаси 2023 йил ёзида ўз ниҳоясига етади. Футболчига бир нечта итальян жамоалари қизиқиш билдирмоқда. Парижликлар аргентиналик футболчини 2019 йилда «Зенит»дан 47 миллион евро эвазига харид қилган эди.
Керернинг Париж клуби билан битими 2023 йил ёзига қадар мўлжалланган. Унинг тахминий трансфер нархи 20—30 миллион еврони ташкил этади. Футболчига немис ва инглиз клубларидан таклифлар бор.
Чап қанот ҳимоячиси Лейвин Курзава ўтган ёзда «ПСЖ»ни тарк этишни хоҳламаганди. Унинг парижликлар билан шартномаси 2 йилдан сўнг ўз ниҳоясига етади. 29 ёшли футболчи жорий мавсум Чемпионлар Лигасида фақат битта ўйинда майдонга тушди. Ҳимоячига «Лион» ва Туркия жамоалари қизиқиш билдирмоқда.
Аввалроқ, «ПСЖ» Лионель Мессидан бошқа барча аргентиналик футболчилари билан хайрлашмоқчи эканлиги хабар қилинганди. Ундан ташқари Антонио Конте «ПСЖ»да Маурисио Почеттинонинг ўрнини эгаллашга тайёрлигини билдирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)