«Манчестер Сити» бош мураббийи Пеп Гвардиола «Реал»га қарши Чемпионлар Лигаси ярим финал ўйинидан (4:3) сўнг ўз фикрлари билан ўртоқлашди.
Иккала жамоа учун фантастик ўйин бўлди. Жуда яхши ишни амалга оширдик. Афсуски, гол ўтказиб юбордик ва кўп гол ура олмадик. Аммо қарама-қаршилик икки ўйиндан иборат ва биз бир ҳафтадан кейин яна ўйнаймиз.«Реал» ва «Манчестер Сити» ўртасидаги жавоб учрашуви 4 май санасида бўлиб ўтади.Ҳамма хурсанд бўлди, биз йирик ҳисобда ғалаба қозонмоқчи эди, аммо 4:3 ҳам ёмон натижа эмас. Ўз ўйинимизни ўйнаш учун Мадридга борамиз. Бу «Реал», улар ҳужумда ажойиб қуролга эга.
Мураббий ўз жамоасини шундай ўйнаётганини кўрса, натижага у қадар аҳамият бермайди, гарчи бу Чемпионлар Лигаси ярим финали бўлса ҳам. Сизга ўйин ёқдими? Ким учундир ёқмади, менга қолса ҳисоб 8:0 бўлса яхшироқ эди. Аммо бу Юпитер ёки Марсда рўй беради, «Реал»га қарши ўйинларда, одатда, бунақаси содир бўлмайди.
Ақл бовар қилмас жамоага қарши ажойиб ўйин ўтказдик. Биринчи бўлимда улар ўйинга қайтишига имконият тақдим этдик, деб ўйлайман, чунки улар жуда асабий эди. Бундан ташқари улар кучли прессинг уюштирди.
Гап финал ҳақида кетмоқда ва бу футболда баъзида содир бўлади. Биз Мадридга ғалаба қозониш учун борамиз.
Льоренте қўли билан ўйнаган ўйинда «Тоттенҳэм»га ютқазиб, Чемпионлар Лигасидан чиқиб кетгандик. Энди эса Ляпорт қўл билан ўйнади. Бу бўлиб турадиган ҳолат. Қўлдан келганча ўйнашимиз лозим. «Реал»да шундай салоҳият борки, улар исталган вақтда сизни жазолай олади.
Тўп билан ва усиз қандай ўйнаганимизни инобатга олсак, мен кўпроқ нарса талаб қила олмайман. Футболчиларга дам олиши кераклигини айта оламан. Энг муҳими — «Лидс»га қарши ўйин ва ундан сўнг Мадридга ғалаба қозониш учун борамиз. Карло Анчелотти ва унинг жамоасини табриклайман, улар жуда яхши ўйнади. Шу билан бирга финалга чиқишимиз мумкинлигини кўрдик.
Пеп Гвардиола, «Манчестер Сити» бош мураббийи
Изоҳ (0)