Луис Суарес фаолиятини MLS’да давом эттиради

«Атлетико» ҳужумчиси Луис Суарес АҚШнинг «Интер Майами» клубига ўтишга рози бўлди, дея хабар қилмоқда Diariouf.

Уругвайлик футболчи MLS клуби билан шахсий шартнома борасида келишувга эришган. Қайд этишилича, Суарес Америка жамоаси билан 2 йилга мўлжалланган шартнома имзолайди.

Томонлар келишувига кўра, битим Испания чемпионатининг 2021/22 йилги мавсуми якунигача расмийлаштирилмайди. Саурес «матрасчилар»нинг Чемпионлар Лигаси 2022/23 йилги мавсумига  йўлланма берувчи ўринлардан бирини эгаллашига ёрдам беришга бел боғлаган.

35 ёшли ҳужумчининг мадридликлар билан шартномаси жорий мавсум сўнгида ўз ниҳоясига етади.

Луис Суарес 2021/22 йилги мавсум «Атлетико» сафида барча мусобақаларда 41 та ўйинда майдонга тушиб, 13 та гол ва 2 та голли узатмага муаллифлик қилди.

Эслатиб ўтамиз, «Интер Майами» жамоаси англиялик собиқ футболчи Дэвид Бекҳэмга тегишли.