25 апрель куни кечқурун Пхеньяндаги Ким Ир Сен майдонида Корея халқ инқилобий армияси ташкил этилганининг 90 йиллигига бағишланган ҳарбий парад бўлиб ўтди. Унда Шимолий Корея етакчиси Ким Чен Ин нутқ сўзлади.
Ким Чен Ин ўз нутқи давомида мамлакатнинг ядровий салоҳиятини «энг тез суръатларда» оширишга ваъда берган. Унинг сўзларига кўра, КХДР мамлакатнинг исталган вақтда ядровий «тийиб туриш»га мурожаат қила олиши учун пухта тайёргарлик кўради.
Шимолий Корея етакчиси ядро қуролининг асосий мақсади «урушнинг олдини олиш» эканини айтган, бироқ «ядро қуроллари фақат урушнинг олдини олиш билан чекланиб қолмаслиги»ни таъкидлаган. У ҳарбий қарама-қаршиликка интилаётган ҳар қандай кучларнинг «мавжудлигига чек қўйиш» ҳақида огоҳлантириб, Шимол ядровий тўсиқ бўлиш миссиясини бажаришга ҳамиша «тўлиқ тайёр» эканини яна бир бор таъкидлаган.
Аввал Ким Чен Иннинг синглиси Жанубий Кореяга ядровий қурол билан таҳдид қилгани, Ким ҳужум қуролларини ишлаб чиқаришни давом эттиришга ваъда бергани ҳақида хабар берилганди.
Изоҳ (0)