«Реал» бош мураббийи Карло Анчелотти Чемпионлар Лигаси ярим финал дастлабки баҳси доирасида «Манчестер Сити»га қарши кечадиган ўйин олдидан ўз фикрларини билдириб ўтди.
Чемпионлар Лигаси ярим финали қирол Карло ва шаҳзода Пеп ўртасида кечиши ҳақида«Манчестер Сити» ва «Реал» ўртасидаги Чемпионлар Лигаси ярим финал дастлабки ўйини 26 апрелдан 27 апрелга ўтар кечаси 00:00 да бошланади.Менимча, қирол шаҳзодадан катта, шунинг учун мен буни тан олишим керак. Гвардиола — буюк новатор, у ҳужумкор услубни таклиф қилди ва футбол оламига янгилик олиб кирди. Мураббийлар ўйинда ғалаба қозонмайди, мураббий қила оладиган энг катта иш — мағлуб бўлиш, деганда у ҳақ эди.
«Реал»нинг Чемпионлар Лигасидаги мақсади ҳақида
Биз учун «Реал»нинг ушбу мусобақадаги тарихи жуда муҳим, рақибларимиз учун эса ундан ҳам муҳимроқ. Йиллар давомида ёзилган бу тарих футболчиларга клуб формасининг оғирлигини ҳис қилишга ёрдам беради ва бу ижобий таъсир кўрсатади. Бу футболкада майдонга тушиш футболчига яхши маънода масъулият юклайди.
Ярим финалга ҳеч ким кутмаган икки жамоа чиқди — «Реал» ва «Вильярреал». Ушбу босқичга етиб келганимиздан хурсандмиз ва курашишда давом этамиз. «Реал» доим охиригача курашган.
Қарама-қаршилик натижаси Манчестерда эмас, «Сантьяго Бернабеу»да ҳал бўлади. Ярим финал биз учун муваффақият эмас, биз финалга чиқишни истаймиз. Мақсадимиз финал ва одатда, финалларда «Реал» ғалаба қозониш учун ажойиб имкониятга эга бўлади.
Нима учун «Реал»га қайтгани ҳақида
Чунки жамоага мураббий керак эди. Қайтганимдан хурсандман, аммо бу менинг қарорим эмас. «Реал» буни уддалашимга ишонди ва бу ерда ишлаётганимдан бахтиёрман.
Карло Анчелотти, «Реал» бош мураббийи
Изоҳ (0)