Ўзбекистонда 2022 йил 1 январдан харид чекларини «Солиқ» мобил дастури орқали рўйхатдан ўтказган жисмоний шахслар харид суммасидан 1 фоизига кэшбэкка эга бўлмоқда. Давлат солиқ қўмитасининг маълум қилишича, март ойида истеъмолчилар томонидан йиғилган жами кэшбэк суммасидан 23 апрель ҳолатига 22,7 миллиард сўм тўлаб берилган.
Шунингдек, сотувчилар томонидан 1080 та харид чеки бекор қилингани сабабли 260 миллион сўм кэшбэк тўланмайди.
Тадбиркорлик субъектлари томонидан:
- солиқ ҳисоботлари топширилиши;
- ҳисоботлардаги камчиликлар тузатилиши;
- солиқ қарздорлиги камайтирилиши инобатга олиниб, қолган кэшбэк суммалари автоматик тарзда тўлаб борилади.
ДСҚ маълумотига кўра, эндиликда чекда МХИК коди тўғри кўрсатилган барча товарлар (хизматлар) учун кэшбэк тақдим этилади. Рад этиш тўлиқ харид суммасига (бутун чек учун) эмас, балки фақат маълумотлар базасида мавжуд бўлмаган МХИК коди кўрсатилган маҳсулот (товар ва хизмат)ларга нисбатан қўлланади.
Изоҳ (0)