Самарқанд вилояти ИИБ Жамоат хавфсизлиги хизмати Йўл ҳаракати хавфсизлиги бошқармасига янги бошлиқ тайинланди. Бу ҳақда ИИБ ахборот хизмати хабар берди.
Маълум қилинишича, Самарқандда йўл-ҳаракати хавфсизлиги ходимларининг фаолияти танқидий муҳокама қилинган. Муҳокама сўнгида Самарқанд вилояти ИИБ Жамоат хавфсизлиги хизмати Йўл ҳаракати хавфсизлиги бошқармасига янги тайинланган раҳбар — полковник Шавкат Бойхўрозов шахсий таркибга таништирилган.
Тайинловга қадар Бойхўрозов Хоразм вилояти ИИБ Жамоат хавфсизлиги хизмати Йўл ҳаракати хавфсизлиги бошқармаси бошлиғи лавозимида фаолият юритган.
Эслатиб ўтамиз, маҳалла ва оилани қўллаб-қувватлаш вазири Раҳмат Маматов 2022 йилнинг февраль ўрталарида Самарқанд вилояти Ички ишлар бошқармаси бошлиғи лавозимига тайинланганди.
Аввалроқ Марҳамат, Нурота ва Ёзёвон туманлари ИИБга раҳбарлар тайинлангани тўғрисида хабар берилганди.
Изоҳ (0)