«Барселона» ярим ҳимоячиси Френки де Йонг фаолиятини «Манчестер Юнайтед»да давом эттириши мумкин.
Diario Sport нашрининг хабар қилишича, манчестерликларнинг янги бош мураббийи Эрик тен Ҳаг жамоада ҳамюрти ва собиқ шогирдини кўриш истагида. Де Йонг ва тен Ҳаг «Аякс»да бирга фаолият олиб борган.
«Барселона» нидерландни қўйиб юбориш ниятида эмас, Фрэнкининг ўзи ҳам кетиш истаги билан ёнмаяпти. Бироқ де Йонгнинг мураббий билан илиқ муносабати вазиятни ўзгартириб юбориши мумкин.
Каталон клуби бу ҳолатни тушуниб турибди, жамоа жуда катта миқдордаги пул таклиф қилингандагина де Йонгни қўйиб юборишга тайёр. Сабаби «Барселона» молиявий ҳолатни яхшилаш мақсадида исталган таклифни кўриб чиқишга тайёр.
Шунингдек, «кўк-анорранглилар» марказий ярим ҳимояни кучайтириш учун «Валенсия» вакили Карлос Солерни сотиб олмоқчи.
Френки де Йонг 2021/22 йилги мавсумда «Барселона» сафида барча мусобақалар доирасида 42 та ўйин ўтказиб, тўртта гол ва бешта голли узатма муаллифига айланди.
Изоҳ (0)