Anjelina Joli nafaqat aktrisalik iste’dodi, balki mehr-muhabbatga to‘la qalbi bilan ham ko‘pchilikning yuragini zabt etgan: u dunyoni yaxshi tomonga o‘zgartirish istagi bilan doim harakatda. Biroq yulduz xayriya ishlaridan tashqari o‘zining betakror obrazlari bilan ham mashhur.
Anjelina Joli ko‘pincha oyoqlarini uzun ko‘rsatadigan uchli tufli kiyadi
Yulduz omma oldida ustki qismi ochiq poyabzalda ko‘rinish berishni afzal ko‘radi. Bu bazm liboslari bilan mohirona birlashtirilgan qaymoqrang baland poshnali tufli yoki garderobining ajralmas elementi — qulay baletkalar bo‘lishi mumkin. Buning siri oddiy: ochiq poyabzal terining rangi bilan uyg‘un holda oyoqlarni vizual ravishda uzun ko‘rsatadi. Bu hiyla ishlashi uchun teringizga o‘xshash rangdagi poyabzallarni tanlang.
Aktrisa qora, oq va sovuq rangdagi liboslarni afzal ko‘radi
Yulduzga yarashadigan obrazlarning yana bir siri — to‘g‘ri tanlangan rang palitrasi. U yorqin rangdagi liboslarni kamdan kam kiyadi. Ko‘pincha Anjelinaning tanlovi qora va oq klassikalarga yoki kulrang, qaymoqrang kiyimlarga to‘g‘ri keladi. Bu ranglar uning tabiiy go‘zalligini yanada ochadi.
Yulduz “kuchli ayol” obrazi uchun qanday kiyinishni yaxshi biladi
“Kuchli ayol” uslubi jasur va mustaqil xonimlarga biznes va hayotning professional sohalarida o‘z hokimiyatlarining kuchini ko‘rsatishga yordam beradigan qat’iy obrazlarni o‘z ichiga oladi. Dunyoga mashhur aktrisa biznes olamida qanday qilib to‘g‘ri taassurot qoldirishni biladi. Nafis yubkalar, shimli kostyumlar va minimalist aksessuarlar unga o‘z maqsadlariga erishishiga yordam beradi.
Aktrisa o‘zining ustunliklarini ta’kidlaydigan makiyajni tanlaydi
Gollivud go‘alining eng sevimli pardozi — nafis strelkalar, uzun kirpiklar va terining tabiiy rangi. Jolining o‘ziga xos lab bo‘yog‘i ranglari — qizil, yorqin pushti. Yorqin teri, qizil lablar, bo‘yalgan ko‘zlar va uslubdagi biroz beparvolik uning ramziy qiyofasining elementlari bo‘lib, yulduz qayerda bo‘lmasin olqishlarga sazovor bo‘ladi.
Joli o‘zining mukammal libos bichimini topa olgan
“Yunon ma’budasi” — ehtimol, bu metafora Jolining sevimli kechki bazm liboslarini eng aniq tasvirlaydi. Aktrisa ko‘pincha uzun ko‘ylaklarni tanlaydi, bu uning siluetini yanada nozik ko‘rsatadi. Bularga yuqori belli, bir yelkasi burmali, beli yoki yelkasi shifon qoplamali qimmatbaho toshlar bilan bezatilgan liboslar kiradi. Qizil gilamdagi Jolining har bir obrazi o‘ziga xos, “yunon ma’budasi” uslubi esa uning garderobida mustahkam o‘rin olgandek.
Izoh (0)