Хавфли танқислик: қайси витаминлар етишмаслиги терининг эрта қаришига олиб келади?

Шифокор тавсияси ва биологик фаол қўшимчалар рекламаси кўпинча витамин ва элементлари организм учун зарур эканлигини эслатиб туради. Аммо улар нима учун кераклиги номаълумлигича қолади. Шу билан бирга, кўплаб муҳим моддаларнинг етишмаслиги жиддий соғлиқ муаммоларидан ташқари, масалан, терининг тез қаришига олиб келиши мумкин. Marie Claire бунга йўл қўймаслик учун қайси витаминларни қабул қилиш кераклигини маълум қилди.

C витамини

Ҳар бир инсон C витамини шамоллаш билан курашишга ёрдам беришини билади, аммо у терининг кўринишини ҳам яхшилайди. Косметолог, тиббиёт фанлари доктори — Жошуа Зайхнернинг тасдиқлашича, C витамини коллаген ишлаб чиқаришни рағбатлантиради, бу эса ўз навбатида ажинларни камайтиришга ёрдам беради. «C витамини эркин радикалларнинг зарарланишини нейтраллайдиган, ғайритабиий пигментация шаклланишига тўсқинлик қилувчи ва соғлом коллаген ишлаб чиқаришда муҳим омил бўлган кучли антиоксидантдир», — дейди мутахассис.

E витамини

C витамини сингари, E витамини ҳам коллагеннинг табиий ишлаб чиқарилишига ёрдам беради. E витамини узоқ вақт давомида тери ҳужайраларида намликни сақлайдиган ҳимоя тўсиғини асрайди.

Цинк

Ушбу муҳим минерал иммунитет тизимининг фаолиятини кучайтириши ва яраларни даволашни рағбатлантириши билан машҳур. Бироқ, экспертларнинг таъкидлашича, синк терини ультрабинафша нурланишидан ҳам ҳимоя қилиши мумкин. Journal оf Nutrition журналида чоп этилган тадқиқот шуни кўрсатдики, синк етишмаслиги қариш жараёнини тезлаштиради.

Селен

Селен тери сифатини яхшилайдиган ва эркин радикалларга қарши курашадиган антиоксидант хусусиятларга эга.

Коэнзим Q10

Антиоксидант бирикма CоQ10 озиқ-овқатни энергияга айлантириш учун табиий равишда организм томонидан ишлаб чиқарилади. Баъзи тадқиқотларга кўра, у ажинларни камайтиришга ва терининг тузилишини яхшилашга ёрдам беради. Коэнзим Q10 баъзи озиқ-овқат, косметика ва биологик фаол қўшимчаларида мавжуд.

Эпигаллокатехин галлати (EGCG)

Бу кўк чой таркибида мавжуд бўлган ноёб ўсимлик бирикмаси бўлиб, у ультрабинафша нурланишидан ҳимоя қилиш, ажинлар ва пигментация каби бир қатор тери афзалликларига эга. Ҳар куни кўк чой ичиш шарт эмас, EGCG концентрланган озиқ-овқат қўшимчаси сифатида ҳам мавжуд.

Коллаген

Коллаген таркибида иккита аминокислота, пролин ва глицин мавжуд бўлиб, улар бўғим, суяк ва мушакларнинг шаклланиши ва тикланиши учун зарурдир. Улар терининг эластиклиги учун ҳам жавобгардир. Ёш ўтиши билан табиий коллаген ишлаб чиқариш секинлашади, шунинг туфайли терининг эластиклигини узоқроқ сақлаш учун косметологлар ушбу протеинни озиқ-овқат ёки қўшимча сифатида олишни тавсия қилади.