Сочни камроқ ювиш истаги буни ҳар куни қилишдан чарчаган ёки рангни узоқроқ сақлашни хоҳлайдиганлар учун табиийдир. «Lady.mail.ru» нашри соч парвариш қилишда асқатадиган маслаҳатлар билан бўлишди.
Сулфатсиз шампунлардан фойдаланинг
Қуруқ бош териси ва бўялган сочлар учун сулфатсиз шампунь айни муддао: у табиий намлик ва рангга ҳисса қўшадиган фойдали моддаларни ювиб ювормайди. Бироқ камчиликлар мавжуд: агар соч узун бўлса, бир неча марта шампунлаш керак. Ёғли бош териси эгалари учун бундай восита мос келмайди, чунки у етарлича тозаланмайди, аммо ёғли бошда, ёғ безларининг фаол иши туфайли тозалаш икки баравар самарали бўлиши керак.
Табиий сув билан ювинг
Бир неча йил олдин АҚШда сочларни оддий сув ва ун билан ювиш фойдасига шампунлардан воз кечиш машҳур бўлди. Кўпчиликнинг фикрига кўра, замонавий соч ювиш воситаларида фақат бир муддатга бошни тозалайдиган жуда кўп кимёвий элементлар мавжуд. Иккинчи ёки учинчи куни сочлар яна кир бўлади ва ювилишни талаб қилади.
Умуман олганда, агар сизда бош териси қазғоқ билан боғлиқ муаммолар бўлмаса мазкур усул мос келиши мумкин. Аммо бунинг акси бўлса, сочларни фақатгина табиий сув билан ювиш лозим.
Қуруқ сочлар учун мўлжалланган шампундан фойдаланинг
Қуруқ сочлар шампуни бир неча дақиқагина сочларни хурсанд қилиши мумкин: у бир зумда илдизлардан ортиқча ёғни сўради. Тўғри, кечқурун сочлар ювилса ҳам эртаси куни мўъжизавий восита ёрдамида вазиятни сақлаб қолиш даргумон. Шунинг учун қуруқ сочлар учун мўлжалланган шампунни доим ишлатиб бўлмайди, у бош терисини ўта қуритиб юбориши ҳамда қазғоқларни келтириб чиқариши мумкин.
Сочингизни турмакланг
Сочни ювгандан кейин иккинчи ёки учинчи куни унинг ювилмаганини соч турмаги билан яшириш мумкин. Жудда мураккаб бўлмаган ўрим ёки шунга ўхшаш бошқа турмаклар ҳосил қилиш мумкин. Албатта, соч турмаги унинг узунлиги ва юз шаклига кўра танланади.
Сочларга камроқ тегинг
Сочга кераксиз, ҳатто тоза қўллар билан тегиниш одатидан халос бўлишга ҳаракат қилинг. Акс ҳолда бу одат бош терисидан ажраладиган ёғлар сочнинг бутун узунлиги бўйлаб ёйилишига олиб келади.
Гормонларни текшириб кўринг
12—24 соатдан кейин кир бўладиган сочлар гормонал бузилишлар мавжудлигини кўрсатиши мумкин. Бу ҳодиса ўсмирлик, ҳомиладорлик ёки менопауза даврида хосдир. Вақтни ўтказмасдан гормонлар учун текширувдан ўтиб, эндокринолог билан маслаҳатлашиш лозим.
Соч турмакловчи воситалардан фойдаланманг
Мукаммал соч турмагига интилиш учун кўпинча сочларга жуда кўп мусс, гел ёки лак суртилади. Ушбу маҳсулотларнинг барчаси сочларнинг ҳолатига салбий таъсир кўрсатиши мумкин. Уларнинг зарралари бош терисини нафас олишига тўсқинлик қилади. Натижада соч аввалгидан ҳам кўпроқ ёғланади.
Сочни юқори ҳароратли сувда ювманг
Сочингизни жуда иссиқ сув билан ювмаслик керак: юқори ҳарорат терининг табиий ҳимоя қатламини йўқ қилади, унинг кўпроқ ёғланишига олиб келади бу яна ёғ безларининг фаоллашиши билан боғлиқ. Худди шу сабабга кўра, сочларни фенда тўлиқ қуритмаслик керак. Идеал ҳолда, сочларни табиий равишда қуритиш тавсия этилади.
Изоҳ (0)