Маълумки, ширинлик ва фастфудлар тери ҳолатини сезиларли даражада ёмонлаштириши мумкин. Бироқ терининг сифатига фақат ижобий таъсир кўрсатадиган бир қатор маҳсулотлар ҳам мавжуд. Яллиғланишдан халос бўлиш ва юз терисини яхшилашни истайдиганлар учун косметологлар кундалик рационга қўшишни тавсия қилган маҳсулотлар билан Marie Claire нашри таништиради.
Зайтун ва зайтун мойи
Зайтун ва зайтун мойи мунтазам равишда истеъмол қилинса, ичакдаги зарарли бактериялар сони камаяди. Бу ўз навбатида, терининг тозаланишига олиб келади.
Ёғли балиқ
Ёғли балиқ ортиқча ёғли тери билан курашишга ёрдам беради. Бу махсус таркибий қисм ҳақида: «ЭПК омега-3 нинг бир тури бўлиб, стресс учун жавоб берадиган гормонларни тартибга солади. Яъни стресс кўпинча ёғ ишлаб чиқаришга олиб келади», — дейди Byoma терини парвариш қилиш бренди мутахассислари
Ёнғоқ ва уруғлар
Турли хил ёнғоқ ва уруғлар соғлом ёғларнинг энг яхши манбаларидан биридир. Уруғлар терининг намлигини оширади, бу кўплаб терини парвариш қилиш маҳсулотларининг фойдали компонентлари бўлган керамид ва липидларни сақлашга ёрдам беради. Қуруқ тери учун бодом энг яхши танловдир. У магний ва Э витаминига бой бўлиб, терини ички томондан намлайди.
Янги мева ва сабзавотлар
Баъзи мева ва сабзавотлар терини намловчи, ёшартирувчи ва яллиғланиш билан курашишга ёрдам берадиган ингредиэнтларни ўз ичига олади. Энг фойдали мевалар орасида гуава, киви ва булғор қалампири бор.
Қора шоколад
Бу ғалати туюлиши мумкин, аммо қора аччиқ шоколад аслида терининг ҳолатини яхшилайди. Эҳтимол, бу шундай хусусиятга эга бўлган ягона ширинликдир. Гап шундаки, какао антиоксидантларга бой бўлиб, улар нафақат яллиғланишга қарши курашади, балки ультрабинафша нурлардан ҳимоя қилади.
Кўк чой
Кўк чой ёғ ишлаб чиқаришни кўпайтирувчи гормон — андрогенларни чеклайди. Бундан ташқари, бу ичимлик ўлаётган тери ҳужайраларини тиклайди, яъни кўк чой қуруқ, хиралашган ёки қариган терига эга одамлар учун ҳам тавсия этилади.
Изоҳ (0)