Мўғулистон пойтахти Улан-Баторда спорт курашлари бўйича Осиё чемпионатининг иккинчи кунги баҳслари 20 апрель, чоршанба куни бўлиб ўтди.
Юнон-рум кураши бўйича -97 кг вазн тоифасида ҳаракат қилган Токио—2020 иштирокчиси Рустам Ассакалов финалга қадар етиб борди ва унда эронлик Меҳди Балиҳамзега имкониятни бой берди.
-82 кг вазн тоифаси вакили Муҳаммадқодир Расулов бронза медали учун баҳсда япониялик Юя Окажимани мағлуб этди.
Феруз Тўхтаев (-60 кг) дастлабки босқичлардаёқ ўз иштирокини якунлаган бўлса, Маҳмуд Бахшуллаев (-67 кг) ва Мирзобек Раҳматов (-72 кг) бронза медали учун курашда мағлубиятга учради.
Шу тариқа юнон-рум бўйича Ўзбекистон терма жамоаси Осиё чемпионатида иккита кумуш ва учта бронза медалларини жамғарди. 19 апрель кунги баҳсларда учта медал қўлга киритилганди.
Изоҳ (0)