Футбол бўйича Осиё Чемпионлар Лигаси гуруҳ босқичи 4-тури доирасида «Насаф» 19 апрель, сешанба куни «Ал-Файсали» билан баҳс юритди.
Учрашувда дарвозалар дахлсизлиги сақланиб қолди. Ҳар иккала жамоа 1 очкога эга бўлди.
Ушбу дуранг натижадан сўнг Рўзиқул Бердиев шогирдлари E гуруҳида 5 очко билан 2-ўринга кўтарилиб олди. «Ал-Файсали» эса 8 очко жамғарган гуруҳ пешқадами бўлиб турибди.
Қаршиликлар илк турда «Ас-Садд» билан дуранг ўйнаганди. 2-турда «Ал-Виҳдат» устидан ишончли ғалабага эришганди. 3-турда эса «Ал-Файсали»га кичик ҳисобда мағлуб бўлганди.
E гуруҳининг иккинчи ўйинида эса «Ас-Садд» (Қатар) ва «Ал-Виҳдат» (Иордания) баҳс олиб борди ва 1:3 ҳисобида мағлубиятга учради.
ОЧЛ
4-тур баҳси
19 апрель, сешанба
«Ал-Файсали» — «Насаф» 0:0
«Ал-Файсали»: 26. Мустафо Малаэка, 5. Муҳаммад ал-Амри (77. Ҳолид Кааби, 62), 6. Ҳишам Фаик,7. Исмоил Лима, 9. Мартин Бойл (18. Шая Шараҳили, 89), 12. Ҳуссайн Солиҳ Салим, 17. Солиҳ ал-Қумайзи, 19. Жулио Тавареш, 22. Ясин Барнави, 39. Абдулраҳмон ал-Досари (80. Муҳаммад ал-Саяри, 79), 99. Волид ал-Аҳмад.«Насаф»: 35. Абдувоҳид Нематов, 2. Алибек Давронов, 4. Ҳусниддин Алиқулов, 7. Шароф Муҳиддинов (99. Семир Смайлагич, 76), 8. Дилшод Саитов, 9. Иван Соловев (17. Суҳроб Нуруллоев, 26), 10. Ҳусайн Норчаев, 22. Акмал Мозговой, 77. Ойбек Бозоров, 88. Марко Станоевич (18. Баҳром Абдураҳимов, 86), 92. Умарбек Эшмуродов.
Огоҳлантириш: Волид ал-Аҳмад (19).
Изоҳ (0)