Россия Ташқи ишлар вазирлиги расмий вакили Мария Захарова Россия музокараларнинг Украина томони иштирокчиларига бошқа ишонмаслигини маълум қилди, деб хабар беради «ТАСС».
«Бу ерда ‘текшириб кўр ва ишон’ эмас, шунчаки ‘текшириб кўр’, чунки бу одамларга аллақачон ишонч қолмаган», — дейди Захарова.
Унинг сўзларига кўра, музокаралар ўтказишни Украина томони сўраган, Россия эса «ушбу илтимосни рад этмаган». «Кейин эса ҳар доимгидек тўғри ва кўчма маънода Киев режими томонидан цирк бошланди: бир қарасанг келади, бирида йўқ, бир иштирок этади ёки этмайди», — дея таъкидлайди у. Россия ТИВ расмий вакилининг қўшимча қилишича, Россия Украина музокаралар давомида ўзини тутуриқсиз тутишига тайёр бўлган.
Захарованинг фикрича, музокараларнинг бу йўсинда давом этиши «режим мустақил эмас, уни бошқаришларидан», музокаралардан эса «чалғитувчи манёвр сифатида фойдаланишаётганидан» далолат беради.
Март охирида Истанбулда ўтган тинчлик музокараларидан кейин Россия Киев ва Черниговск йўналишларидаги ҳарбий фаоллик кескин қисқаришини эълон қилиб, у ердан қўшинларини олиб чиқиб кетган. Шунингдек, Россия Мудофаа вазирлиги Донбассни озод қилиш операцияси якунига етказилишини баён қилганди.
Мавзуга доир:
Изоҳ (0)