Украина президенти Владимир Зеленский Европа Иттифоқининг вакилига тўлдирилган ЕИга аъзолик мақомини олиш учун сўровномани топширди. Бу ҳақда Зеленский офиси хабар қилган.
«Ушбу муҳим учрашув учун миннатдорлик билдираман. Бугун Европа Иттифоқига кириш йўлида навбатдаги қадамни қўйиб давлатимиз учун муҳим тарихий босқичлардан бирини ортда қолдиряпмиз»,— деган Зеленский ЕИ вакили Матти Маасикасу билан учрашув вақтида.
Владимир Зеленский яқин ҳафталар ичида Украина Евроиттифоқ аъзолиги мақомини олиш жараёни ҳал бўлишига ишонишини қўшимча қилди. У аъзолик мақомини олиш мустақиллик ва демократия йўлида катта товон тўлаган Украина халқи учун қувонарли ҳодиса бўлади, деб ҳисоблашини таъкидлади.
Украина бош вазири Денис Шмигал мамлакатнинг ЕИ энергия тармоғига интеграция қилингани, шунингдек, бепул роуминг ҳамда текин тўлов муҳитини яратиш юзасидан ишлар амалга оширилаётганини қайд этган.
Украина Россия мамлакат ҳудудида махсус ҳарбий операцияларни бошлаганидан кейин ЕИга кириш сўровини юборганди. 8 апрелда Еврокомиссия раҳбари Урсула фон дер Ляйен Бучага ташрифи вақтида Владимир Зеленскийга иттифоқ аъзолиги мақомини олиш сўровномасини топширган. Фон дер Ляйен хоним гарчи аъзолик мақомини олиш учун баъзан йиллар кетса ҳам Украинанинг сўрови шу йили ёзда кўриб чиқилишини маълум қилган. 17 апрелда Киев ҳужжатнинг тўлдирилган ва ЕИ вакилига топширишга тайёрлигини билдирган.
Мавзуга доир:
- Зеленский Украина Россия билан яна 10 йил жанг қилишга тайёрлигини айтди. Бунга жавобан Қодиров ҳаммасини бир неча кунда якунлашга ваъда берди
- «У билан гаплашиш фойдасиз деб ўйлай бошладим». Италия бош вазири Драги Путин билан телефон суҳбати ҳақида
- CNN: АҚШ давлат котиби Украинадаги уруш 2022 йил охиригача давом этади деб ҳисобламоқда
Изоҳ (0)