Ukraina prezidenti Vladimir Zelenskiy Yevropa Ittifoqining vakiliga to‘ldirilgan YIga a’zolik maqomini olish uchun so‘rovnomani topshirdi. Bu haqda Zelenskiy ofisi xabar qilgan.
“Ushbu muhim uchrashuv uchun minnatdorlik bildiraman. Bugun Yevropa Ittifoqiga kirish yo‘lida navbatdagi qadamni qo‘yib davlatimiz uchun muhim tarixiy bosqichlardan birini ortda qoldiryapmiz”,— degan Zelenskiy YI vakili Matti Maasikasu bilan uchrashuv vaqtida.
Vladimir Zelenskiy yaqin haftalar ichida Ukraina Yevroittifoq a’zoligi maqomini olish jarayoni hal bo‘lishiga ishonishini qo‘shimcha qildi. U a’zolik maqomini olish mustaqillik va demokratiya yo‘lida katta tovon to‘lagan Ukraina xalqi uchun quvonarli hodisa bo‘ladi, deb hisoblashini ta’kidladi.
Ukraina bosh vaziri Denis Shmigal mamlakatning YI energiya tarmog‘iga integratsiya qilingani, shuningdek, bepul rouming hamda tekin to‘lov muhitini yaratish yuzasidan ishlar amalga oshirilayotganini qayd etgan.
Ukraina Rossiya mamlakat hududida maxsus harbiy operatsiyalarni boshlaganidan keyin YIga kirish so‘rovini yuborgandi. 8-aprelda Yevrokomissiya rahbari Ursula fon der Lyayyen Buchaga tashrifi vaqtida Vladimir Zelenskiyga ittifoq a’zoligi maqomini olish so‘rovnomasini topshirgan. Fon der Lyayyen xonim garchi a’zolik maqomini olish uchun ba’zan yillar ketsa ham Ukrainaning so‘rovi shu yili yozda ko‘rib chiqilishini ma’lum qilgan. 17-aprelda Kiyev hujjatning to‘ldirilgan va YI vakiliga topshirishga tayyorligini bildirgan.
Mavzuga doir:
- Zelenskiy Ukraina Rossiya bilan yana 10 yil jang qilishga tayyorligini aytdi. Bunga javoban Qodirov hammasini bir necha kunda yakunlashga va’da berdi
- “U bilan gaplashish foydasiz deb o‘ylay boshladim”. Italiya bosh vaziri Dragi Putin bilan telefon suhbati haqida
- CNN: AQSH davlat kotibi Ukrainadagi urush 2022-yil oxirigacha davom etadi deb hisoblamoqda
Izoh (0)