Сурхондарё вилоятининг Шеробод тумани «Олтин воҳа» маҳалласи ҳудудидан ўтувчи М-39 автомобиль йўлида учта машина иштирокида йўл-транспорт ҳодисаси содир бўлди. Бу ҳақда «Менинг юртим» телеканалининг «Марказий студия» дастурида маълум қилинди.
Маълум қилинишича, Damas автомобили Nexia орқасидан тез ҳаракатланиб, думалаб кетиши натижасида мултирадар ўрнатилган Cobalt йўналишига чиқиб кетган. Авария сабаб Cobalt орқасида ҳаракатланиб келаётган Nexia ҳам йўл-транспорт ҳодисаси иштирокчисига айланган.
Йўл-транспорт ҳодисаси оқибатида Damas ҳайдовчисининг набираси — 6 ёшли бола вафот этган.
Ҳозирда Шеробод тумани ИИБ Тергов бўлими томонидан терговга қадар суриштирув ишлари амалга оширилмоқда.
Аввалроқ Наманганда Damas 2-синф ўқувчисини уриб кетгани, Фарғонада Matiz фуқаро ўлимига сабабчи бўлгани, Сурхондарёда Nexia’да 3 киши ёниб кетгани, Нукусда Damas «пешеход»дан ўтаётган велосипедчини уриб юборгани тўғрисида хабар берилганди.
Изоҳ (0)