Қашқадарё вилоятининг Косон туманида бош шифокор қўл остидаги ходимларини ободонлаштириш ишларига жалб қилгани учун жарима тўлайдиган бўлди. Бу ҳақда Бандлик ва меҳнат муносабатлари вазирлиги хабар берди.
Маълум қилинишича, Косон туман тиббиёт бирлашмасининг диагностика бўлими бошлиғи бўлим таҳлилчилари ва бошқаларни бирлашма ҳудудига ободонлаштириш ишларига жалб қилиб, хизмат вазифасига кирмайдиган ишларга мажбурлаган. Шу сабаб у Маъмурий жавобгарлик тўғрисидаги кодексининг 51-моддаси 1-қисми (меҳнатга бирон-бир шаклда маъмурий тарзда мажбурлаш) га асосан жаримага тортилган.
Аввалроқ Қарши туман тиббиёт бирлашмасининг реанимация бўлими бошлиғи бўлимда фаолият юритувчи ҳамшира ва орастабонларни туман тиббиёт бирлашмаси ҳовлисини тозалашга мажбур қилгани учун Маъмурий жавобгарлик тўғрисидаги кодексининг 51-моддаси 1-қисми (меҳнатга бирон-бир шаклда маъмурий тарзда мажбурлаш)га асосан жаримага тортилганди.
Косон туманидаги ҳолат вилоятда сўнгги 15 кундаги иккинчи ҳолат ҳисобланади.
Мазкур вазиятга муносабат билдирган вилоят соғлиқни сақлаш бошқармаси ахборот хизмати эса шифокорларнинг мажбурий меҳнатга жалб қилинганини тасдиқлаб, «гул кўчатлари учун пул йиғилгани ҳақидаги маълумотлар тасдиқланмади», дейди.
Изоҳ (0)