Британиялик собиқ футболчи Дэвид Бекҳэм ўғли Бруклин актриса ва модель Никола Пельцга уйланиши муносабати билан унга ҳашаматли совғани топширди. Ёш келин-куён электр двигатель ўрнатилган, Lunaz Design стартапи томонидан қайта тикланган Jaguar ХК140 га эга бўлди. Ёрқин кўк рангли родстер нархи 545 минг долларни ташкил этади, деб хабар беради «Motor».
1954 йилда ишлаб чиқарилган Jaguar ХК140 тўлиқ реставрациядан ўтган, оч сариқ рангли салони буюртмачининг хоҳишига кўра қайта тикланган. Бекҳэм машина кузовига ёшларнинг исмларини бош ҳарфлари туширилган бейжикни жойлаштиришни сўраган.
Маълум қилинишича, Lunaz томонидан реставрация қилинадиган барча классик автомобиллар янги двигатель ўрнатилишидан олдин 3D-сканердан ўтказилади. Рестомодлар умумий қуввати 375 от кучига эга иккита электродвигателга, шунингдек, янги «подвеска», тормоз ва руль бошқарувига эга бўлади. Батареяларнинг сиғими ўзгариб туради, бироқ барча моделлар CCS разъёми орқали тезкор қувватланиш имкониятига эга.
Бундан ташқари, электрлаштирилган автомобиллар замонавий ўзига хосликлар билан жиҳозланади, масалан, круиз-назорат ва мультимедиа тизими.
Lunaz Design «меню»сида ХК140 дан ташқари Rolls-Royce Phantom V ва Silver Cloud, Bentley Continental Flying Spur, Range Rover ҳамда Aston Martin DB6 ҳам ўрин олган.
Аввалроқ Дэвид ва Виктория Бекҳэм украиналик болаларга ёрдам бериш учун хайрия акциясини бошлагани тўғрисида хабар берилганди.
Изоҳ (0)