BMW kompaniyasi yangilangan X7 ni taqdim etdi. Krossover ikki qatli old optika, modifikatsiyaga uchragan M60i xDrive va uskunalarning kengaytirilgan ro‘yxatiga ega yangicha ko‘rinishga ega bo‘lgan. Elektron boshqariluvchi amortizatorli “pnevmopodveska”, to‘rt mavsumli iqlim-nazorat, egilgan displey ega iDrive 8 multimediasi, shuningdek, yangi interyer elementlari — yoritiladigan “X7” yoki “M” harflari yangi model uchun standartga aylangan, deb xabar beradi Motor.
BMW kompaniyasi ikki qatli old optikaga ega XM konseptini taqdim etganida, barcha katta modellar shu kabi dizaynga ega bo‘lishi haqida ogohlantirgan edi. Kutilganidek, X7 mazkur “qiyofaga” ega bo‘ldi. Krossover dastlabki “farishta ko‘zlari”dan ayrilgan — yuqori qatda ishlaydigan chiroqlarning oddiy chiziqlari, shuningdek, matritsali faralarning ishlash rejimi o‘rnini egallaydigan “tumanga qarshi chiroqlar”gina ularni eslatadi. Yorug‘lik texnikasining asosiy bloki endilikda pastda joylashgan, qoraytirilgan shisha bilan yopilgan va bamper ichiga biroz kirgan.
Fonarlarni ingichka seksiya va uch o‘lchamli grafika bilan shisha bilan himoyalangan xromlangan kashak birlashtirib turadi. Yangilangan X7 uchun nur taratuvchi Iconic Glow panjarasini va qayta ishlangan M Sport hamda M Sport Pro paketlarini buyurtma qilish mumkin. Kuzovlar rangiga Sparkling Copper Grey va M Marina Bay Blue (faqat X7 M60i xDrive) “metallikalari” qo‘shilgan. G‘ildiraklar bazasi oldingidek 20 dyuymli (M Sport paketida 21 dyuym), biroq opsiyalari ro‘yxatida birinchi marta diametri 23 dyuymga teng diskalar paydo bo‘lgan.
Mashina ichida o‘rindiqlar uch qator joylashtirilgan. Standart ravishda o‘rtada uch o‘rinli divan joylashgan bo‘lib, uni ikkita alohida o‘rindiqqa ajratsa ham bo‘ladi. Haydovchi va yo‘lovchi o‘rindiqlari isitgichlar bilan jihozlangan. Barcha o‘rindiqlar BMW Individual Merino tabiiy charmi bilan qoplangan.
BMW X7 ning standart jihozlari qatoridan moslashuvchan amortizatorlarga ega pnevmatik “podveska”, to‘rt mavsumga mos iqlim-nazorat, panorama tom, HiFi-audiotizim, sport mashinalariga xos rul va simsiz quvvatlantirgich o‘rin olgan.
Shuningdek, elektron assistentlar ham yangilangan. Masalan, avtomatik tormozlanish tizimi endilikda piyodalar, velosipedchilar va qarama-qarshi harakatlanib kelayotgan mashinalar burilishini taniy oladi. Parking Assistant Professional tizimi 50 emas, 200 metr bosib o‘tilgan yo‘lni eslab qoladi va uni qaytara oladi. Bundan tashqari, X7 da ilk bor eshiklarni ochishdagi xavf funksiyasi paydo bo‘lgan.
X7 ning barcha dvigatellari 12 ot kuchi va 200 nanometr aylanuvchi momentga ega yangi 48 voltli o‘t oldirgichga ega. Bazaviy olti silindrli X7 xDrive40d 352 ot kuchi yordamida harakatga keladi. Modifikatsiyaga uchragan X7 esa 380 ot kuchiga ega olti silindrli yangi benzinli dvigatelda harakatlanadi. Ushbu krossover soatiga 100 kilometr tezlikka 5,8 soniyada erishadi (oldin 6,3 soniya edi).
M50i o‘rniga to‘liq yangilangan S69 “biturbosakkizlik” X7 M60i xDrive kelgan. U avvalgidek 530 ot kuchiga (750 Nm) ega va soatiga 100 kilometr tezlikka 4,7 soniyada erishadi.
Restayling qilingan BMW X7 Janubiy Karolina shtatidagi Spartanberg zavodida ishlab chiqariladi. Sotuvlar shu yilning avgustidan boshlanishi rejalashtirilgan.
Izoh (0)