Қирғизистон президенти Садир Жапаров 14 апрель куни Ўзбекистон бош вазири ўринбосари — инвестициялар ва ташқи савдо вазири Сардор Умурзоқовни қабул қилди. Бу ҳақда қўшни давлат президент матбуот хизмати хабар қилди.
Қайд этилишича, Жапаров Ўзбекистон Қирғизистоннинг жуда муҳим ташқи сиёсати ва стратегик ҳамкори эканини тасдиқлаган. Икки даврлар ўртасидаги муносабатлар ва кўп қиррали ҳамкорликни ҳар томонлама ривожлантириш тарафдори эканини таъкидлаган.
Учрашувда маълум қилишича, Шавкат Мирзиёев май ойида Қирғизистонга жавоб ташрифини амалга оширади.
Шунингдек, Садир Жапаров Ўзбекистон—Қирғизистон тараққиёт жамғармасининг очилишини қутлаб, унинг фаолияти икки давлат тадбиркорлари ўртасидаги савдо ва сармоявий алоқаларни кенгайтиришга кўмаклашишини тилаган. У жамғарма икки қардош давлат ўртасидаги савдо-иқтисодий ҳамкорликни кенгайтириш учун янги имкониятлар очишини таъкидлаган.
Эслатиб ўтамиз, 11 март куни Шавкат Мирзиёев Қирғизистон президенти Садир Жапаровни қабул қилганди. Учрашувда 2017 йил 5 сентябрда имзоланган Ўзбекистон–Қирғизистон давлат чегараси тўғрисида шартноманинг тарихий аҳамияти қайд этилиб, мазкур чегаранинг қолган қисмларини ҳам делимитация қилиш мақсадида Ҳукуматлараро комиссияга музокараларни фаоллаштириш бўйича кўрсатма берилган.
Изоҳ (0)