Ўзбекистонда чет элда ишлаб чиқарилган автомобилларнинг сотув ҳажми ойлар кесимида маълум қилинди. Ушбу таҳлил иқтисодий тадқиқотлар ва ислоҳотлар маркази томонидан эълон қилинди.
Сўнгги уч ойда чет элда ишлаб чиқарилган енгил автомобиллар сотуви кескин ошган. Охирги 14 ой ичида энг юқори кўрстакич декабрда қайд этилган — 2411. Декабрь ойида «иномаркалар» сотуви ноябрга қараганда қарийб икки баробар ошган.
Январь ойида енгил автомобиллар сотуви 1506 тани ташкил қилиб, ўтган йилнинг шу даврига нисбатан қарийб икки баробар ошди. Февралда бу кўрсаткич 1801 дона бўлган эди. 2021 йилнинг февралига нисбатан ўсиш 2,7 баробар бўлди.
«Иномарка»лар сотувининг ошиши билан биргаликда, маҳаллий ишлаб чиқарилган автомобиллар сотуви ҳам сўнгги уч ойда кескин кўпайди. Январь ва февраль ойларининг ўзида бу кўрсаткич 2021 йилнинг шу даврига нисбатан 2,1 ва 2,2 баробарга ошди.
Бунинг натижасида чет элда ишлаб чиқарилган автомобиллар сотуви фоиз ҳисобида январь ойида камайди.
2021 йил январь ойида умумий енгил автомобиллар сотув ҳажмининг 6,7 фоизи чет элда ишлаб чиқарилган автмобилларга тўғри келган эди. 2022 йилда бу кўрсаткич 6 фоизни ташкил қилди. Февраль ойида эса фоиз ҳисобида ҳам ўсиш қайд этилди — 5,6 фоиздан 7 фоизга.
Фоиз ҳисобида энг яхши кўрсаткич ўтган йилнинг сентябрида бўлган эди — 20,8 фоиз.
Аввалроқ президент Шавкат Мирзиёев топшириғига кўра импорт автомобиллари учун божхона божи 2 баробарга қисқартирилгани ҳақида хабар берилган эди.
Изоҳ (0)