Bir nechta jahon rekordlarini o‘rnatgan Robbi Balanjer ismli mashhur sportchi haqiqiy elektrokar bilan “uzoq masofani bosib o‘tish” bo‘yicha bellashishga qaror qildi, deb xabar beradi Motor. Raqib sifatida u Tesla Model 3 ni tanlagan.
Balnejerning so‘zlariga ko‘ra, Model 3 ni chidamlilik bo‘yicha ortda qoldirish — u o‘z oldiga shu paytgacha qo‘ygan eng qiyin vazifa. “Bu bir vaqtning o‘zida hayajonlantiradi va qo‘rquvga solmoqda”, — deydi u poyga avvalida.
Bellashuv 11-aprel kuni boshlangan. Balenjer va Tesla bitta nuqtadan — Texas shtatining Ostin shahridan 402 kilometr uzoqlikdan start olgan. 100 foizga quvvatlantirilgan Model 3 oldindan belgilangan marshrut bo‘yicha qancha harakatlana olsa, shuncha yuradi: taxminlarga ko‘ra, u 430 kilometrga yaqin yo‘lni bosib o‘tadi. Shundan so‘ng, sportchida elektrokar to‘xtagan joyga yetib olish uchun 72 soat vaqt bor, agar uddalasa, undan o‘zib ketishi ham mumkin.
Poygaga mashg‘ulotlar uchun anjomlarni ishlab chiqarishga ixtisoslashgan Ten Thousand firmasi homiylik qilmoqda. Ta’kidlanishicha, odatda chopish bilan shug‘ullanuvchi sportchilar har 100 milda (161 kilometr) 24 soat dam olishga ruxsat beriladi. Balenjerning vazifasi masofa sabab uch karra qiyin — u yo‘lni bir martada, shuningdek, ob-havo sharoitlari va notekis relyefga qaramay bosib o‘tishi lozim.
Bunga qadar Balenjer butun AQSH hududi bo‘ylab chopgan, shuningdek, Nyu-Yorkdagi Markaziy bog‘da aylanib yugurishlar soni bo‘yicha rekord o‘rnatgan — u 19 soatda 159 kilometr yugurgan. 2021-yilda u Koloradodagi 781 kilometrli yo‘lni 11 kundan bosib o‘tib, shtatning 58 ta tog‘li cho‘qqilarini zabt etgandi.
Izoh (0)