Россиянинг Санкт-Петербург шаҳрида ёш боласи билан молиявий қийин аҳволда қолган аёл Ўзбекистонга қайтарилди.
Ташқи меҳнат миграцияси агентлигининг маълум қилишича, асли фарғоналик Б.Н. оиласи билан 2019 йилнинг ноябрида вақтинчалик меҳнат фаолиятини амалга ошириш учун Россияга кетган. Аёл агентликнинг Санкт-Петербург шаҳридаги ваколатхонасига мурожаат қилиб, фарзанди билан турар жой ва маблағсиз қолиб кетганини маълум қилиб, Ўзбекистонга қайтишда амалий ёрдам сўраган.
Б.Н. ва унинг фарзанди Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан ватанга қайтарилган.
Бундан аввал Санкт-Петербург ва Владивостокда қийин аҳволга тушиб қолган ёш болали яна икки аёл Ўзбекистонга қайтарилганди.
Изоҳ (0)