Хоразм вилоятининг Хонқа туманида тадбиркорнинг мулкини қўлга киритган шахс аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Хонқа тумани бўлими томонидан «Миллий банк» Хоразм вилояти филиалининг мурожаатига асосан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Теширув давомида Д.Д. исмли шахс «З.Ж.» МЧЖ собиқ раҳбари О.З.ни алдаб, унинг жавобгарлигидаги 10,2 миллиард сўмлик замонавий иссиқхона комплекси анжомларини фирибгарлик йўли билан қўлга киритиб, номаълум шахсларга сотиб юборгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Бухорода жамият раҳбари 11 кишидан фирибгарлик билан олган пулларга Spark, Malibu ва Captiva сотиб олгани аниқланганди.
Мавзуга доир:
- Хоразмда пул эвазига фуқароларга субсидия асосида уй олиб беришни ваъда қилган банк кассири ушланди
- Қашқадарёда ўзиники бўлмаган Captiva’ни 170 млн сўмга сотиб юборган шахс ушланди
- Сурхондарёда ўзини ДХХ ходими деб таништириб, фуқарога Tashkent City’дан уй ва машина олиб бериш учун 1100 доллар олган шахс ушланди
Изоҳ (0)