Оила ва хотин-қизлар давлат қўмитаси «Мутахассислиги бўйича камида беш йил меҳнат стажига эга бўлган хотин-қизларни олий таълим муассасаларига тўлов-контракт асосида ўқишга қабул қилиш тартибини тасдиқлаш ҳақида»ги Вазирлар Маҳкамаси қарори лойиҳасини муҳокамага қўйди.
Ҳужжат лойиҳасида мутахассислиги бўйича камида беш йил иш стажига эга бўлган хотин-қизларни олий таълим муассасаларига тўлов-контракт асосида ўқишга қабул қилиш тартиби тўғрисидаги низомни тасдиқлаш ва 2022 йил 1 майдан бошлаб уни кучга киритиш таклиф этилмоқда. Шунингдек, қуйидагиларни назарда тутувчи тартиб ўрнатилади:
- алоҳида квоталарни давлат олий таълим муассасалари кесимида тақсимлаш тартиби;
- мутахассислиги бўйича камида беш йил иш стажига эга, лекин олий маълумотга эга бўлмаган хотин-қизларга тавсиянома бериш тартиби;
- алоҳида тест синовларини ўтказиш тартиби.
Қўмита тавсияномаларига асосан давлат олий таълим муассасаларининг бакалавриат таълим йўналишларига умумий қабул параметрларидан ташқари алоҳида тест синовлари Вазирлар Маҳкамасининг «Олий таълим муассасаларига ўқишга қабул қилиш тартибини янада такомиллаштириш тўғрисида»ги, 2019 йил 7 июндаги «Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида»ги қарорларига мувофиқ амалга оширилади.
Олий ва ўрта махсус таълим вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштириши лозим бўлади.
Мавзуга доир: Ўзбекистонда 2023 йилдан бошлаб магистратурада ўқийдиган барча хотин-қизларнинг контракти тўлаб берилади
Изоҳ (0)