«Шанхай Порт» коронавирус сабаб Осиё Чемпионлар Лигасида иштирок этишдан бош тортди

Хитойни қамраб олган янги коронавирус тўлқини «Шанхай Порт» жамоасининг ОЧЛ мусобақасида қатнашишдан бош тортишига сабаб бўлди.

«Биз мухлислар ва ОФК олдида узр сўраймиз», — дея клуб мурожаатидан иқтибос келтиради Тitan Plus.

«Шанхай Порт» клуби Чемпионлар Лигасида «Чианграй Юнайтед» (Таиланд), «Китче» (Гонгконг), «Виссел Кобе» (Япония) каби жамоалар билан бирга J гуруҳидан жой олганди.

Аввалроқ, Хитойнинг Шанхай шаҳрида коронавирусининг авж олиши фонида, 28 март кунидан сўнгги икки йилдаги энг йирик локдаун жорий этилгани ҳақида маълумот берилганди.

Айни вақтда ОЧЛда ғарб минтақасининг гуруҳ босқичи ўйинлари Саудия Арабистонида марказлашган тизимда ўтказилмоқда. Шарқ минтақасидаги ўйинлар эса 15 апрелдан старт олади ҳамда Таиланд, Вьетнам ва Малайзияда бўлиб ўтади.