«Пахтакор» бош мураббийи Славче Войнески Осиё Чемпионлар Лигаси 2-тури доирасида кечган «Ат-Таъвун» қарши учрашувдан (1:0) сўнг ўз фикрлари билан ўртоқлашди.
Қийин ўйин бўлишини билардик. Мезбонларни ўз майдонида мағлуб этиш жуда ёқимли. Беллашувга жиддий тайёрландик. Йигитларга яхши футбол учун раҳмат айтаман. Тавамба ва 77-рақамли футболчининг жуда хавфли эканини билардик. Ҳимоячилар уларга қарши ажойиб ўйнади.Кескин кечадиган баҳс тақдирини қисқа ҳудудда тез ҳаракатланадиган тезкор футболчилар ҳал қилишини сезгандик. Шундай бўлди ҳам. Алибоев ва Эркинов ўйин суръатини ўзгартириб юборди. Ғалабадан жуда хурсандмиз.
Ўйинимизда сир йўқ. Шунчаки шароитларга яхшироқ мослашдик ва жиддий ҳозирлик қилдик.
Чап қанотни асосий ҳужум уюштирадиган жойимиз деб билмайман. Ҳар икки қанотдан ва марказдан ҳужумлар ташкил қилишга уринамиз. Бу ўйинда голни чап қанотдан уриб кетдик.
Славче Войнески, «Пахтакор» бош мураббийи
D гуруҳидаги бошқа ўйинда «Ад-Дуҳайл» «Истиқлол»ни минимал ҳисобда таслим этди. Иккинчи турдан кейин гуруҳдаги барча жамоада уч очкодан мавжуд.
Тошкентликлар кейинги турда 14 апрель куни «Ад-Дуҳайл»га қарши баҳс олиб боради.
Изоҳ (0)