Футбол бўйича Осиё Чемпионлар Лигасининг 2-турида «Пахтакор» 10 апрель куни «Ат-Таъвун»га қарши баҳс олиб борди.
Учрашувда ҳисоб 83-дақиқага келиб очилди: Икром Алибоевнинг узатмасидан кейин Ҳожимат Эркинов рақиб дарвозабони билан бирга-бир вазиятга чиқиб борди ва ўйин тақдирини ҳал қилган голга муаллиф бўлди. «Шерлар» иккинчи голни ҳам уриши мумкин эди, бироқ Эркинов сўнгги дақиқаларда бўш дарвоза томон кетаётган вақтда Райан ал-Муса томонидан тўхтатиб қолинди. Натижада саудияликлар сардори тўғридан-тўғри қизил карточкага лойиқ кўрилди.
D гуруҳидаги бошқа ўйинда «Ад-Дуҳайл» «Истиқлол»ни минимал ҳисобда таслим этди.
Иккинчи турдан кейин гуруҳдаги барча жамоада уч очкодан мавжуд.
ОЧЛ
2-тур баҳслари
10 апрель, якшанба
«Ат-Таъвун» Саудия Арабистони — «Пахтакор» Ўзбекистон 0:1
Гол: 0:1 – 83 Эркинов.«Ат-Таъвун»: Мутаз Абдулраҳмон, Зейд Бакир, Леандре Кана, Тариқ Абдуллоҳ, Сумайҳан Дайдан (Ҳассан ал-Амри, 59), Ашраф ал-Маҳдуди, Саад Яслам Балобаид, Мустафо Муҳаммад (Наваф Суфён, 77), Райан ал-Муса, Наваф ас-Субҳи, Иброҳим ал-Ҳаза (Файсал Мутаири, 59).
«Пахтакор»: Элдор Суюнов, Ҳожиакбар Алижонов, Алексий Ларин, Шерзод Аъзамов, Фаррух Сайфиев, Сардор Собирхўжаев, Одил Ҳамробеков, Азиз Турғунбоев (Ҳожимат Эркинов, 68), Драган Черан, Сардор Рашидов (Жасурбек Ёқубов, 90+2), Оливер Шаркич (Икром Алибоев, 68).
Огоҳлантиришлар: Черан (44), Икром Алибоев (88), Аъзамов (90).
Четлатиш: Райан ал-Муса (90+8)
Изоҳ (0)