Ўзбекистон йўлларида содир бўлган йўл-транспорт ҳодисалари тафсилотларини тақдим этамиз.
Ангренда Epica ва Cobalt тўқнашди
Дастлабки маълумотларга кўра, 2022 йил 9 апрель куни соат 12:10 ларда Тошкент вилояти, Ангрен шаҳар Навоий кўчасида ҳайдовчи Р.С. бошқарувидаги Cobalt ҳамда ҳайдовчи Х.Т. бошқарувида бўлган Epica русумли автомобиллар иштирокида тўқнашув содир бўлган.
Оқибатда Cobalt йўловчиси, С.М. ҳамда Epica автомобилида бўлган бир нафар йўловчи шифохонага олиб кетилган.
Мазкур ЙТҲ юзасидан Ангрен шаҳар ИИБ ЖХХ ЙҲХБ ходимлари томонидан суриштирув ҳаракатлари олиб борилмоқда.
Наманганда 21 ёшли ҳайдовчилар бошқарувидаги автомобиллар ЙТҲга учради
2022 йил 29 март куни соат 10:00 ларда Янгиқўрғон тумани «Бирлик» МФЙ ҳудудида фуқаро (2001 йилда туғилган) ВАЗ-2106 русумли автомашинасини бошқариб бораётиб, ҳаракат хавфсизлигини таъминлай олмай, қарама-қарши йўналишга ўтиб кетиб, қаршисидан ҳаракатланиб келаётган, бошқа фуқаро (2001 йилда туғилган) бошқарувидаги Damas автомашинаси билан тўқнашган.
Оқибатда Damas ҳайдовчиси ўнг оёқ болдир суягининг синиши ташхиси билан шифохонага ётқизилган.
Ушбу ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 1-қисми (транспорт бошқариш хавфсизлиги қоидаларини бузиш) билан жиноят иши қўзғатилган.
Чустда Spark ва Damas тўқнашувида икки ҳайдовчи жароҳат олди
2022 йил 28 март куни соат 17:45 ларда Чуст тумани «Мустақиллик» маҳалласида фуқаро Spark автомашинасини бошқариб бораётиб, ўзига нисбатан иккинчи даражали йўлдан ҳаракатланиб чиққан аёл (1990 йилда туғилган) бошқарувидаги Damas билан тўқнашган.
Оқибатда Spark русумли автомашина ҳайдовчиси ўнг қўл биринчи бармоқ асосий фаланга асосидан синиши ҳамда Damas ҳайдовчиси бўйин соҳаси юмшоқ тўқималарини лат ейиши ташхиси билан тан жароҳати олиб, шифохонага мурожаат қилган.
Ушбу ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 1-қисми билан жиноят иши қўзғатилган.
Изоҳ (0)