Лоренцо Пеллегрини «Будё-Глимт» устози «Рома»нинг дарвозабонлар мураббийига ҳужум қилгани ҳақида айтиб ўтди.
Воқеа Норвегия жамоаси бош мураббийи Кетил Кнутсен ва римликлар клуби мураббийлар штаби аъзоси Нуно Гомес ўртасида содир бўлган.
Football Italia нашрининг хабарига кўра, Норвегия полицияси Кнутсен, Гомес ва жанжал гувоҳи бўлган футболчиларни сўроқ қилган.
Уларнинг мураббийи бизнинг дарвозабонлар мураббийига ташланди. Дастлаб хунук сўзларни ишлатиб гапирди, кейин эса мураббийга ҳужум қилди.Конференциялар Лигасининг 1/4 финал босқичи дастлабки ўйинида «Рома» «Будё-Глимт»га 1:2 ҳисобида имкониятни бой берди.Бу жуда ачинарли, чунки бундай хатти-ҳаракатлар «Рома»га, футболчилар ва ходимларга нисбатан ҳақорат ҳисобланади. Бу уят.
Кўрган воқеаларимдан ҳамон ҳайратдаман. Бу шармандалик. Энди биз майдон ташқарисида бўлган воқеалар туфайли ҳам жавоб ўйинида «Будё Глимт»ни уйга жўнатиб юбормоқчимиз.
Лоренцо Пеллегрини, «Рома» футболчиси
Қайд этиб ўтиш керак, римликлар ушбу жамоа билан бир гуруҳдан ўрин олганди. Жозе Моуриньо шогирдлари битта ўйинда мағлубиятга учраган (6:1) бўлса, яна бир ўйинда дуранг (2:2) натижа қайд этилган. Томонларнинг жавоб беллашуви 14 апрель санасига белгиланган.
Изоҳ (0)