Футбол бўйича Осиё Чемпионлар Лигаси 1-тури доирасида кечган «Пахтакор» — «Сепаҳон» учрашувидан (1:3) кейин ҳар икки мураббий иштирокида матбуот анжумани ўтказилди.
«Пахтакор» устози Славче Войнески қониқарсиз натижани эътиборни йўқотиш билан изоҳлади.
Баҳсни иккига бўлган бўлардим, биринчи бўлимда ўйинни назорат қилдик, гол урдик, яхши ҳаракатландик. Бироқ иккинчи бўлимда стандарт ҳолатлардан кейин икки марта қўпол хато қилдик ва ҳисобда ортда қола бошладик. Кейин олдинга ташланиб, учинчи голни ўтказдик.Руҳий ва жисмоний тайёргарлик ёнма-ён юради. Хатоларни эътиборни йўқотганимиз билан изоҳлаган бўлардим. Бу бизга қимматга тушди. Йигитлар охиригача курашди, бунинг учун уларга раҳмат.
«Ат-Таъвун»га қарши ўйинда осон бўлмайди. Гуруҳда барча беллашув оғир кечади, буни ўйиндан олдин ҳам айтиб ўтгандим. Яхши савияли жамоалар жамланган гуруҳдан жой олганмиз.
Славче Войнески, «Пахтакор» бош мураббийи
«Сепаҳон» бош мураббийи Муҳаррам Навидкия ҳисоб форс жамоаси фойдасига яна-да йирикроқ кўриниш олиши мумкин бўлгани ҳақида гапирди.
Жамоам бу ўйинда ҳақли равишда ғалаба қозонди. Лекин айрим фактларни келтириб ўтишим керак. Мисол учун, биринчи бўлимни жуда ёмон ўтказдик. Тактик томондан ҳам ўйинимиз кўнгилдагидек чиққани йўқ. Аммо футболчилар иккинчи бўлимда ўзига келди ва яхши ҳаракат қилди. Бир қанча имкониятга эга бўлди. Бундан ҳам йирикроқ ғалабага эришишимиз мумкин эди. Тўпни кўпроқ назорат қилиб рақиб ярим ҳимоясидаги бўшлиқларни кўрдик.«Пахтакор» кейинги турни «Ат-Таъвун»га қарши ўтказади. «Сепаҳон» эса «Ад-Дуҳайл» билан ўйнайди.Навбатдаги ўйинларга қадар тезроқ муаммоларимизни ҳал қилиб олишимиз даркор. Яъни юқорида айтганимдек учрашувнинг дастлабки қисми борасида ишлашимиз зарур.
Учрашувга тайёргарлик жараёнида жарима зарбалари устида ишлаганимизни айтиб ўтишим керак. Рақиб иштирокидаги ўйинларнинг видеоларини кузатиш чоғида жарима зарбалари, стандарт вазиятларда хатоларга йўл қўйишини, бундан фойдаланишимиз мумкинлигини айтдим.
Муҳаррам Навидкия, «Сепаҳон» бош мураббийи
Эслатиб ўтамиз, ОЧЛ D гуруҳидаги ўйинлар Саудия Арабистонида марказлашган тизимда ўтказилмоқда
Изоҳ (0)