Рубль сўмга нисбатан 2022 йилдаги энг баланд қийматига кўтарилди

Марказий банк хорижий валюталарнинг ўзбек сўмига нисбатан 8 апрелда амалда бўладиган қийматини белгилади.

Таққослаш учун 9 март куни, рубль сўмга нисбатан 80 сўмга баҳоланаётган эди. Шу тариқа рубль бир ой ичида сўмга нисбатан қарийб икки баробарга мустаҳкамланди.

4 март куни Ўзбекистонда жисмоний шахслар 86,5 млн рубллик Россия валютасини харид қилган эди. Ўша вақтда рублнинг сўмга нисбатан қиймати 93,04 сўм эди.

3 март куни эса Марказий банк рубль қадрсизланаётгани туфайли зарурий чоралар кўришни бошлаган эди. Унга кўра Ўзбекистондаги барча банкларда рублдаги пул ўтказмалари бўйича айирбошлаш операцияларини узлуксиз амалга ошириш белгиланган эди. 

Бундан ташқари банкларга Россия рублини сотиш ва сотиб олиш курсларини жорий халқаро котировкаларга асосан кун давомида ўзгартириб бориш тавсия қилинганди.

Рубль мустаҳкамланишининг асосий 8 сабаби:

— февраль ойи охирида асосий ставка 20 фоизгача оширилди;

— доллар, евро, фунт сотиб олиш учун 12 фоизлик комиссиялар жорий этилди;

— нақд пул олиш ва чет элга ўтказиш бўйича чекловлар қабул қилинди;

— барча ташқи савдо агентлари учун экспорт тушумини мажбурий сотиш меъёри 80 фоизгача оширилди;

— «бюджет қоидаси» ижроси тўхтатилди;

— норезидентлар фонд бозоридан узилиб, уларнинг қимматли қоғозларга бўлган ҳуқуқларига мораторий жорий этилди;

— туризм тўхтади;

— Ғарб томонидан Россияга етказиб бериладиган маҳсулотларга ҳам чекловлар киритилди.

Шу сабабларга кўра, рубль нафақат сўмга, балки доллар, евро ва бошқа валюталарга нисбатан ҳам ўсиб бормоқда.

Аввалроқ Ўзбекистонда бир неча кундан буён рубль курси кўтарилаётгани сабаблари маълум қилинган эди.